აღდგენა, გამძლეობა და რეფორმები: აღმოსავლეთ პარტნიორობის რეგიონში საყოველთაო სარგებლის მომტანი პრიორიტეტები 2020 წლის შემდგომი პერიოდისთვის

აღმოსავლეთ პარტნიორობის მიზანი ევროკავშირს, მის წევრ სახელმწიფოებს და პარტნიორებს შორის ურთიერთობების გაღრმავება და გაძლიერებაა. ეს პროცესი ემყარება ინკლუზიურობის და დიფერენციაციის პრინციპებს, რომელთა შორისაცაა ინდივიდუალური მიდგომა და თანამშრომლობის სტიმულებზე დაფუძნებული გზებით გაფართოება. „20 შედეგი 2020 წლისთვის“ ინიციატივის, 2020 წლის მარტის „ერთობლივი განცხადების“ და  2020 წლის მაისის „საბჭოს დასკვნების“  საფუძველზე, ევროკავშირმა 2020 წლის შემდგომი პერიოდისთვის აღმოსავლეთ პარტნიორობის რეგიონის პრიორიტეტები განსაზღვრა. ხუთი დასახული ამოცანის შესაბამისად, ეს პრიორიტეტები პარტნიორი ქვეყნების სტაბილურობას ორი საბაზისო კომპონენტის: ინვესტირებისა და მართვის მხარდაჭერით გააძლიერებს. ეს ინფოგრაფიკა ასევე წარმოაჩენს თანამშრომლობის ძირითად ახალ ელემენტს — ეკონომიკურ და საინვესტიციო გეგმას. ინიციატივა ევროკავშირის ბიუჯეტიდან 2.3 მილიარდი ევროს მობილიზებას გრანტების, შერეული ფინანსირების და გარანტიების სახით მოახდენს. ეს ფინანსები პანდემიის შემდგომ რეაბილიტაციას და აღმოსავლეთ პარტნიორობის ქვეყნების ეკონომიკის მდგრად განვითარებას მოხმარდება, რაც მათ მეტად სიცოცხლისუნარიანს და ინტეგრირებულს გახდის.