შარლ მიშელმა ევროპული გეოპოლიტიკური საზოგადოების შექმნის წინადადება წამოაყენა

შარლ მიშელმა ევროპული გეოპოლიტიკური საზოგადოების შექმნის წინადადება წამოაყენა

მაისი 20, 2022

ევროპული საბჭოს პრეზიდენტმა, შარლ მიშელმა ისაუბრა ევროპული გეოპოლიტიკური საზოგადოების შექმნაზე, რომელიც აღმოსავლეთ პარტნიორობის და დასავლეთ ბალკანეთის ქვეყნებსაც მოიცავს. მიშელმა ეს წინადადება 18 მაისს ევროპის ეკონომიკურ და სოციალურ კომიტეტში გამოსვლისას წამოაყენა.

როგორც მან აღნიშნა, ინიციატივის მიზანია „კავშირების გამყარება და ქმედითი თანამშრომლობის გაღრმავება საერთო გამოწვევების, მშვიდობის, სტაბილურობის და უსაფრთხოების საკითხების გადასაჭრელად ჩვენს კონტინენტზე“.

პრეზიდენტმა განაცხადა, რომ ეს პროცესი დაუყოვნებლივ უნდა დაიწყოს: „ჩემი აზრით, უკვე არსებობს დე-ფაქტო გეოპოლიტიკური საზოგადოება, რომელიც რეიკიავიკიდან ბაქომდე თუ ერევნამდე და ოსლოდან ანკარამდეა გადაჭიმული. მე ღრმად ვარ დარწმუნებული, რომ ჩვენ ამ გეოგრაფიულ სივრცეს პოლიტიკური განზომილება უნდა მივანიჭოთ“. 

მიშელის წინადადებით, ამ თანამშრომლობის ძირითადი სფერო საერთაშორისო პოლიტიკა უნდა იყოს. მისივე თქმით, განსაკუთრებული აქცენტი შესაძლოა გაკეთდეს იმ სოციალურ-ეკონომიკურ პროგრამებზე, რომლებში გაერთიანებაც არ საჭიროებს კანონმდებლობის ჰარმონიზაციას, მაგრამ რომლებსაც კონკრეტული ორმხრივი სარგებლის მოტანა შეუძლიათ: „ნათელია, რომ ისეთი პროგრამები, როგორიცაა Erasmus თუ Horizon და ტრანსპორტის და ენერგეტიკის სექტორებში მოქმედი პროექტები ამგვარი თანამშრომლობისათვის სასარგებლო შეიძლება აღმოჩნდეს“.

მიშელმა ასევე აღნიშნა, რომ ამ საკითხზე კონსულტაციები 27 ევროპელ ლიდერთან გაიარა და გადაწყვიტა, რომ ის ევროპული საბჭოს ივნისის გეგმაში შეიტანოს. ევროკავშირის და შესაბამისი პარტნიორი ქვეყნების ლიდერებთან ამ წინადადების განსახილველად მან კონფერენციის ზაფხულში ან მოგვიანებით ჩატარების წინადადებაც წამოაყენა.

მიშელმა ხაზი გაუსვა, რომ ევროპული გეოპოლიტიკური საზოგადოების შექმნამ არ უნდა ჩაანაცვლოს ევროკავშირის გაფართოების პროცესი. თავის მხრივ,  ეს უკანასკნელი უნდა წარიმართოს უფრო სწრაფად, დინამიკურად და შექცევადად, რათა წაახალისოს რეფორმები და  ხელი შეუწყოს ევროპულ ინტეგრაციას.

„ჩვენ მკაფიოდ უნდა გავაცნობიეროთ: დღეს გაფართოების პროცესი ერთგვარი ნულოვანი ჯამის თამაშია. გარკვეულწილად, ეს უკომპრომისო თამაშია. ეს იწვევს ორივე მხარის ღრმა გულგატეხილობას და იმედგაცრუებას, რაც ყოველთვის უშლის ხელს ნდობის ჩამოყალიბებას“, — განაცხადა შარლ მიშელმა. მისი აზრით, გამოსავალი გაწევრიანების პროცესის ეტაპობრივ და განგრძობით ინტეგრაციად ქცევა შეიძლება იყოს.

დამატებითი ინფორმაცია

პრესრელიზი



თემაზე

ევროკავშირის და დიდი შვიდეულის სპეციალურმა ჯგუფმა რუსეთის სანქცირებულ მოქალაქეებს 30 მილიარდი დოლარის ქონება გაუყინა
ივლისი 1, 2022

ევროკავშირის და დიდი შვიდეულის სპეციალურმა ჯგუფმა რუსეთის სანქცირებულ მოქალაქეებს 30 მილიარდი დოლარის ქონება გაუყინა

ევროკავშირი, EBRD და გერმანია საქართველოს სკოლების რეაბილიტაციას ეხმარებიან
ივლისი 1, 2022

ევროკავშირი, EBRD და გერმანია საქართველოს სკოლების რეაბილიტაციას ეხმარებიან

დიდი შვიდეულის ლიდერები პუტინის რეჟიმზე და ბელარუსში მის მოკავშირეებზე ეკონომიკურ და პოლიტიკურ ზეწოლას გააძლიერებენ 
ივნისი 30, 2022

დიდი შვიდეულის ლიდერები პუტინის რეჟიმზე და ბელარუსში მის მოკავშირეებზე ეკონომიკურ და პოლიტიკურ ზეწოლას გააძლიერებენ 

საქართველოში ევროკავშირის წარმომადგენლობა ქვეყნის ევროპული პერსპექტივის შესახებ თქვენს კითხვებს უპასუხებს
ივნისი 30, 2022

საქართველოში ევროკავშირის წარმომადგენლობა ქვეყნის ევროპული პერსპექტივის შესახებ თქვენს კითხვებს უპასუხებს

ახალგაზრდები ჯანმრთელი და დემოკრატიული საზოგადოებისთვის: წაიკითხეთ ახალგაზრდა ევროპელი ელჩების ჟურნალის მეორე გამოცემა 
ივნისი 29, 2022

ახალგაზრდები ჯანმრთელი და დემოკრატიული საზოგადოებისთვის: წაიკითხეთ ახალგაზრდა ევროპელი ელჩების ჟურნალის მეორე გამოცემა 


გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის B&S ევროპის კონსორციუმი.

ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით.
© European Union,