საქართველოში მიმდინარე პოლიტიკურ დიალოგში ევროპული საბჭოს პრეზიდენტის წარმომადგენელი ჩაერთვება

საქართველოში მიმდინარე პოლიტიკურ დიალოგში ევროპული საბჭოს პრეზიდენტის წარმომადგენელი ჩაერთვება

მარტი 12, 2021

შვედეთში ევროკომისიის წარმომადგენლობის ხელმძღვანელს, კრისტიან დანიელსონს საქართველოში ევროკავშირის მხარდაჭერით მიმდინარე პოლიტიკური დიალოგის შუამავლობის მანდატი მიენიჭა. ეს გადაწყვეტილება

ევროპული საბჭოს პრეზიდენტმა, შარლ მიშელმა და ევროკავშირის უმაღლესმა წარმომადგენელმა, ჟოზეფ ბორელმა მიიღეს. შარლ მიშელი თბილისს 1 მარტს ეწვია და პოლიტიკური დიალოგის განახლების წინადადება წამოაყენა.

დანიელსონი ქვეყანაში არსებული პოლიტიკური დაძაბულობის განმუხტვაში წვლილის შეტანას საქართველოში ევროკავშირის ელჩთან, კარლ ჰარცელთან მჭიდრო თანამშრომლობით შეეცდება. ის საქართველოს ამ მიზნით 12 მარტს ესტუმრა.

„პრეზიდენტი მიშელი და უმაღლესი წარმომადგენელი ბორელი საქართველოში არსებულ ყველა პოლიტიკურ სუბიექტს მოუწოდებენ, სრულად ჩაერთონ კონსტრუქციულ დიალოგში. საერთო მიზანი ყველა მხარისთვის მისაღები შედეგების იმ გზით მიღწევა გახლავთ, რომელიც სტაბილური, დემოკრატიული და რეფორმებზე ორიენტირებული საქართველოს ინტერესებს დაიცავს და ქვეყნის პროევროპულ გზაზე  წარმატებულ წინსვლას უზრუნველყოფს“, აღნიშნულია ევროპის საგარეო ქმედებათა სამსახურის მიერ გამოქვეყნებულ პრესრელიზში.

კრისტიან დანიელსონი 2015-2020 წლებში ევროკომისიის სამეზობლოს და გაფართოების საკითხებში მოლაპარაკებების გენერალური დირექტორატის ხელმძღვანელი იყო.

დამატებითი ინფორმაცია

პრესრელიზი



გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის B&S ევროპის კონსორციუმი.

ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით.
© European Union,