საქართველოს შოთა რუსთაველის სახელმწიფო უნივერსიტეტი იმ საერთაშორისო გუნდის წევრია, რომელიც სკოლებში ციფრული ინოვაციების დასაჩქარებლად ევროკავშირის მიერ დაფინანსებულ ახალ პროექტს ახორციელებს.
პროექტი iHub4Project 1 იანვარს დაიწყო და 30 თვეზე მეტი ხნის განმავლობაში იფუნქციონირებს. მისი მიზანი სკოლების სრული ციფრული ინოვაციისთვის საჭირო მექანიზმების შემუშავება და ამ პროცესის დაჩქარება იქნება. პროექტი მენტორობის მოდელის შექმნის მიზნით ევროპის ხუთ ქვეყანაში — მათ შორის საქართველოში — რეგიონული ინოვაციის ჰაბებს ჩამოაყალიბებს. მენტორობის საპილოტე ვერსია 75 სკოლაში 600 მასწავლებლის მონაწილეობით განხორციელდება.
ევროკავშირის პროგრამის, „ჰორიზონტი 2020-ის“ მიერ დაფინანსებული პროექტი შეიმუშავებს მხარდაჭერის განსხვავებულ მექანიზმებს, რომლებიც ციფრულ სფეროში კვალიფიცირებულ და ნაკლებად კვალიფიცირებულ მასწავლებლებს და სკოლებს შორის თანამშრომლობას შეუწყობს ხელს.
პროექტს, iHub4Schools project, კოორდინაციას უწევს ტალინის უნივერსიტეტი ესტონეთში ცხრა ბენეფიციარისგან შემდგარი გუნდით ნორვეგიიდან, გაერთიანებული სამეფოდან, ფინეთიდან, შვეიცარიიდან, იტალიიდან, ესტონეთიდან, ლიეტუვიდან და საქართველოდან.
დამატებითი ინფორმაცია
სხვა საინფორმაციო კამპანიები:
გაინტერესებთ უკანასკნელი ცნობები და შესაძლებლობები?
ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,