პროგრამამ, EU4Energy ახალი ბლოგი, „ქალები ენერგეტიკაში“ აამოქმედა

პროგრამამ, EU4Energy ახალი ბლოგი, „ქალები ენერგეტიკაში“ აამოქმედა

სექტემბერი 3, 2021

პროგრამამ, EU4Energy აამოქმედა ბლოგი, „ქალები ენერგეტიკაში“, სადაც ენერგეტიკის სექტორში დასაქმებული ქალების წარმატების ისტორიები გამოქვეყნდება. გარდა ამისა, ბლოგი მიზნად ისახავს, მეტი ახალგაზრდა ქალი მოიზიდოს ენერგეტიკის სექტორში და გააცნოს მათ ამ სფეროში მუშაობასთან დაკავშირებული უპირატესობები. 

EU4Energy-მ ბლოგის პირველ საპატიო სტუმრად თბილისის სახელმწიფო უნივერსიტეტის ეკონომიკის საერთაშორისო სკოლის (ISET) და ISET-ის კვლევითი ინსტიტუტის დირექტორი, თამარ სულუხია მიიწვია. სულუხიამ ISET-ის კვლევითი ინსტიტუტის მიერ შემუშავებული სპეციალური გენდერული კვლევის შედეგებზე ისაუბრა. 

გენდერული თანასწორობის ინდექსის მიხედვით, თორმეტ პოსტსაბჭოთა ქვეყანაში (უზბეკეთის, ტაჯიკეთის და თურქმენეთის გამოკლებით), ქალების წილი ენერგეტიკის სექტორში დასაქმებულთა მხოლოდ  22%-ს შეადგენს მაშინ, როდესაც გლობალურად დასაქმებულთა 48% ქალია. ნავთობისა და გაზის მრეწველობის სექტორში ქალების მხოლოდ 6%-ია აღმასრულებელი საბჭოს წევრი, აღმასრულებელი დირექტორის პოზიცია კი ქალების 1%-ზე ნაკლებს უკავია. 

როგორც გენდერული თანასწორობის ინდექსი აჩვენებს, მეცნიერების, ტექნოლოგიების, საინჟინრო და მათემატიკურ (STEM) პროფესიებში ქალებსა და კაცებს შორის არსებული დისბალანსი ამ სფეროებს ინოვაციის კუთხით დიდი შესაძლებლობების მიღმა ტოვებს.

„დამტკიცებულია, რომ გენდერულად დაბალანსებული სამუშაო ჯგუფები უფრო შემოქმედებითნი არიან და უკეთეს შედეგებს უფრო ეფექტიანად და დროულად აღწევენ. ენერგეტიკულ სექტორში მომუშავე კომპანიებს, რომელთა მმართველობაში მინიმუმ 30% ქალია, მთლიანი მოგების უფრო მაღალი მაჩვენებელი აქვთ“, — აღნიშნავს თამარ სულუხია.

მისივე თქმით, ენერგეტიკის სექტორში ქალთა მოსაზიდად და დასასაქმებლად საჭიროა სოციალური ნორმების შეცვლა და მისაბაძი მაგალითების ჩვენება. ამასთან, სექტორში უკვე დასაქმებულ ქალთა შენარჩუნების მიზნით ძალზე მნიშვნელოვანია ისეთი გარემოს შექმნა, რომელიც ქალებისადმი კეთილგანწყობილია, სადაც ქალებს არ ავიწროებენ, დანერგილია თანაბარი ანაზღაურების პოლიტიკა და დაცულია ჯანსაღი ბალანსი პროფესიულ და პირად ცხოვრებას შორის.

დამატებითი ინფორმაცია

პრესრელიზი



თემაზე

შარლ მიშელმა ევროპული გეოპოლიტიკური საზოგადოების შექმნის წინადადება წამოაყენა
მაისი 20, 2022

შარლ მიშელმა ევროპული გეოპოლიტიკური საზოგადოების შექმნის წინადადება წამოაყენა

საქართველოს ნარკოვითარების მონიტორინგის ეროვნული ცენტრისთვის სამუშაო შეხვედრა იმართება
მაისი 20, 2022

საქართველოს ნარკოვითარების მონიტორინგის ეროვნული ცენტრისთვის სამუშაო შეხვედრა იმართება

ევროკავშირის უმაღლესი წარმომადგენელი ჯოზეფ ბორელი საქართველოს პრემიერ-მინისტრ ირაკლი ღარიბაშვილს შეხვდა
მაისი 20, 2022

ევროკავშირის უმაღლესი წარმომადგენელი ჯოზეფ ბორელი საქართველოს პრემიერ-მინისტრ ირაკლი ღარიბაშვილს შეხვდა

საერთაშორისო პარტნიორების განცხადებით, ლგბტქი+ თემი  საქართველოში ყველაზე დაუცველ ჯგუფთა შორის რჩება
მაისი 18, 2022

საერთაშორისო პარტნიორების განცხადებით, ლგბტქი+ თემი  საქართველოში ყველაზე დაუცველ ჯგუფთა შორის რჩება

მწვანე უნარების კონკურსის გამარჯვებულების გამოსავლენად კენჭისყრა დაიწყო — ფინალისტებს შორის საქართველოს წარმომადგენლებიც არიან
მაისი 16, 2022

მწვანე უნარების კონკურსის გამარჯვებულების გამოსავლენად კენჭისყრა დაიწყო — ფინალისტებს შორის საქართველოს წარმომადგენლებიც არიან


გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის B&S ევროპის კონსორციუმი.

ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით.
© European Union,