ნარკოტიკებთან დაკავშირებული დანაშაულები — ევროკავშირის პროექტის ბაზას საქართველოში შეკრებილი მონაცემები დაემატა
ევროპის ნარკოტიკების და ნარკომანიის მონიტორინგის ცენტრის (EMCDDA) ინსტრუმენტს, „სასჯელების მოკლე მიმოხილვა“, მონაცემები ევროკავშირის რვა პარტნიორი სახელმწიფოდან დაემატა. საქართველოსთან ერთად, ამ ქვეყნებს შორის მოლდოვა, სომხეთი და უკრაინაც არიან.
EMCDDA-ის სპეციალურ ვებგვერდზე განმარტებულია, თუ როგორ უმკლავდებიან ევროკავშირის წევრი სახელმწიფოები, ნორვეგია, თურქეთი და ევროკავშირის ზოგიერთი პარტნიორი ქვეყანა ნარკოტიკების მოხმარებასთან, ფლობასთან თუ გავრცელებასთან დაკავშირებულ კანონდარღვევებს.
გარდა ამისა, „სასჯელების მოკლე მიმოხილვა“ ერთდროულად ხუთამდე ქვეყანაში არსებული საკანონმდებლო ზომების შედარების საშუალებას იძლევა. ონლაინ-ინსტრუმენტი ააშკარავებს, როგორ განსხვავდება ერთმანეთისგან ქვეყნების კანონებით გათვალისწინებული სასჯელები ნარკოტიკების ტიპის, რაოდენობის, დამნაშავის ნარკოტიკზე დამოკიდებულების თუ რეციდივიზმის დონის მიხედვით.
ახალი ქვეყნებიდან მონაცემები ინსტრუმენტს მიმდინარე წლის განმავლობაში დაემატება.
მოლდოვიდან, საქართველოდან, სომხეთიდან და უკრაინიდან მონაცემები EMCDDA-ის ევროკავშირის მიერ დაფინანსებული ტექნიკური თანამშრომლობის პროექტის მეშვეობით შეიკრიბა. ინიციატივა ევროპული სამეზობლო პოლიტიკის (EU4MD) ფარგლებში განხორციელდა.
დამატებითი ინფორმაცია
ყველაზე წაკითხული
თემაზე
ევროკავშირი, გაერო და ავსტრია საქართველოში ჰაერის ხარისხის გასაუმჯობესებლად ახალ პროექტს იწყებენ
ევროკავშირი უცხოური გავლენის შესახებ კანონს „ევროკავშირის ნორმებთან და ღირებულებებთან შეუთავსებელს“ უწოდებს
არა, დრო რუსეთის მხარეს არაა: ბორელი ომისა და ევროკავშირის სანქციების შედეგად რუსეთის ეკონომიკის დასუსტებას აღწერს
ევროკავშირის პოლიტიკის და უსაფრთხოების კომიტეტის წევრები საქართველოს სამუშაო ვიზიტით ეწვივნენ
ევროკავშირი და გერმანია აჭარაში წყალმომარაგებისა და წყალარინების სისტემების განახლებას უჭერენ მხარს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
