მერები ეკონომიკური ზრდისთვის: საქართველოს რვა მუნიციპალიტეტი მხარდაჭერას მიიღებს

მერები ეკონომიკური ზრდისთვის: საქართველოს რვა მუნიციპალიტეტი მხარდაჭერას მიიღებს

მარტი 22, 2022

ევროკავშირის და გაეროს განვითარების პროგრამის (UNDP) განცხადებით, საქართველოს რვა მუნიციპალიტეტი მიზნობრივ დახმარებას მიიღებს. ეს ევროკავშირის მიერ დაფინანსებული რეგიონული ინიციატივის, „მერები ეკონომიკური ზრდისთვის“ (M4EG), ფარგლებში განხორციელდება.

„მერები ეკონომიკური ზრდისთვის“ მიზნად ისახავს, რომ ქალაქები და დაბები როგორც მოსახლეობის, ისე ინვესტორებისათვის მეტად მიმზიდველი გახადოს.

ბათუმი და ქუთაისი დახმარების ფარგლებში მუნიციპალური გარდაქმნის პორტფელებს შექმნიან და მათ დანერგვას დაიწყებენ. ამისათვის თითოეული მათგანი 225,000 ევროს მიიღებს. 

რუსთავი, სამტრედია, ფოთი და წყალტუბო ჩაერთვებიან მენტორინგისა და სწავლების ინიციატივაში, „ურბანული ხედვა“ (Urban Imaginaries). ამის შედეგად თითოეულ მუნიციპალიტეტს ინოვაციური პროექტების განხორციელებისთვის 60,000 ევროს ოდენობის სასტარტო დაფინანსების მიღება შეეძლება. 

კიდევ ორი მუნიციპალიტეტი, ბოლნისი და ონი, ეკონომიკური და ბიზნესის განვითარების ინიციატივებისთვის დაფინანსებას უშუალოდ საქართველოში ევროკავშირის წარმომადგენლობისგან მიიღებს. ბოლნისი მუნიციპალური ბიზნეს-მოდელის გაფართოებაზე იმუშავებს, ხოლო ონი — ადგილობრივი ბიზნეს-კლასტერების განვითარებაზე და ინვესტორთა მოზიდვაზე.  

„საქართველოს რეგიონებს განვითარების უდიდესი პოტენციალი აქვთ. ‘მერები ეკონომიკური ზრდისთვის’ ამ შესაძლებლობების გამოვლენას და გამოყენებას ეხმარება. ამ რეგიონული ინიციატივის საშუალებით ევროკავშირი ხელს შეუწყობს პანდემიის შემდგომ პერიოდში მუნიციპალიტეტების განვითარებას, ეკონომიკური და სოციალური წინსვლის ახალი გზების გამონახვასა და ევროკავშირის ქვეყნებში დაგროვებული გამოცდილების გაზიარებას“, — განაცხადა ევროკავშირის ელჩმა საქართველოში, კარლ ჰარცელმა.

პროექტი ევროკავშირის მიერ დაფინანსებული და გაეროს განვითარების პროგრამის მიერ განხორციელებული ინიციატივის, „მერები ეკონომიკური ზრდისთვის“ (M4EG), ნაწილს წარმოადგენს. 

დამატებითი ინფორმაცია

პრესრელიზი



თემაზე

<strong>ბორელის თქმით, მოსკოვს კომფორტულად ცხოვრებასა და ომს შორის არჩევანის გაკეთება მოუწევს</strong>
ივლისი 7, 2022

ბორელის თქმით, მოსკოვს კომფორტულად ცხოვრებასა და ომს შორის არჩევანის გაკეთება მოუწევს

ევროკავშირის და დიდი შვიდეულის სპეციალურმა ჯგუფმა რუსეთის სანქცირებულ მოქალაქეებს 30 მილიარდი დოლარის ქონება გაუყინა
ივლისი 1, 2022

ევროკავშირის და დიდი შვიდეულის სპეციალურმა ჯგუფმა რუსეთის სანქცირებულ მოქალაქეებს 30 მილიარდი დოლარის ქონება გაუყინა

ევროკავშირი, EBRD და გერმანია საქართველოს სკოლების რეაბილიტაციას ეხმარებიან
ივლისი 1, 2022

ევროკავშირი, EBRD და გერმანია საქართველოს სკოლების რეაბილიტაციას ეხმარებიან

დიდი შვიდეულის ლიდერები პუტინის რეჟიმზე და ბელარუსში მის მოკავშირეებზე ეკონომიკურ და პოლიტიკურ ზეწოლას გააძლიერებენ 
ივნისი 30, 2022

დიდი შვიდეულის ლიდერები პუტინის რეჟიმზე და ბელარუსში მის მოკავშირეებზე ეკონომიკურ და პოლიტიკურ ზეწოლას გააძლიერებენ 

საქართველოში ევროკავშირის წარმომადგენლობა ქვეყნის ევროპული პერსპექტივის შესახებ თქვენს კითხვებს უპასუხებს
ივნისი 30, 2022

საქართველოში ევროკავშირის წარმომადგენლობა ქვეყნის ევროპული პერსპექტივის შესახებ თქვენს კითხვებს უპასუხებს


გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის B&S ევროპის კონსორციუმი.

ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით.
© European Union,