ლორენს მერედიტი საქართველოს ეწვია
ევროკომისიის აღმოსავლეთ სამეზობლოსთან ურთიერთობასა და ინსტიტუციურ მშენებლობაზე პასუხისმგებელი დირექტორი, ლორენს მერედიტი საქართველოს ესტუმრა. ის საქართველოში ევროკავშირის ეკონომიკური და საინვესტიციო გეგმის განსახორციელებლად საჭირო სტრატეგიული გეგმის შედგენაში მონაწილე პირებს შეხვდა.
20 ოქტომბერს ლორენს მერედიტი საქართველოში ევროკავშირის ელჩ კარლ ჰარცელთან ერთად იმერეთსა და აჭარას ესტუმრა. ისინი შეხვდნენ საქართველოს მოქალაქეებს და შეაფასეს ამ რეგიონებში ევროკავშირის პროექტების განხორციელების პროცესი.
ევროკავშირის წარმომადგენელი ოფიციალური პირები ეწვივნენ მეღვინეობას, „ბაიას ღვინო“, რომელმაც წარმოება ევროკავშირის დახმარებით გაზარდა. გარდა ამისა, ისინი შეხვდნენ სმენადაქვეითებულ ახალგაზრდებს, რომლებიც ევროკავშირის Skills4Jobs პროგრამის ფარგლებში გამართული დასაქმების ბაზრობის საშუალებით დასაქმდნენ.
ელჩმა ჰარცელმა და ლორენს მერედიტმა ასევე მოინახულეს ქობულეთის მუნიციპალიტეტის პატარა სოფელი ზენითი, რომელიც ევროპის საინვესტიციო ბანკთან (EIB) თანამშრომლობით სულ მალე მაღალსიჩქარიანი ინტერნეტით სარგებლობას შეძლებს.
21 ოქტომბერს ლორენს მერედიტმა მონაწილეობა მიიღო ბათუმში ჩატარებულ ღონისძიებაში, „შავი ზღვა — საუბრები კავშირების განმტკიცებაზე“. შეხვედრაზე განიხილეს შავი ზღვის რეგიონში სატრანსპორტო საშუალებებისა და ინტერნეტკავშირის გაუმჯობესების და გარემოს გაჯანსაღების შესაძლებლობები.
დამატებითი ინფორმაცია
ყველაზე წაკითხული
თემაზე
ევროკავშირი, გაერო და ავსტრია საქართველოში ჰაერის ხარისხის გასაუმჯობესებლად ახალ პროექტს იწყებენ
ევროკავშირი უცხოური გავლენის შესახებ კანონს „ევროკავშირის ნორმებთან და ღირებულებებთან შეუთავსებელს“ უწოდებს
არა, დრო რუსეთის მხარეს არაა: ბორელი ომისა და ევროკავშირის სანქციების შედეგად რუსეთის ეკონომიკის დასუსტებას აღწერს
ევროკავშირის პოლიტიკის და უსაფრთხოების კომიტეტის წევრები საქართველოს სამუშაო ვიზიტით ეწვივნენ
ევროკავშირი და გერმანია აჭარაში წყალმომარაგებისა და წყალარინების სისტემების განახლებას უჭერენ მხარს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
