ევროპის რეკონსტრუქციისა და განვითარების ბანკი და ევროკავშირი ქართულ კომპანიებს თიბისი ბანკის საშუალებით დააფინანსებენ
ევროპის რეკონსტრუქციისა და განვითარების ბანკი (EBRD) თიბისი ბანკს ქართული კომპანიების შემდგომი დაკრედიტების მიზნით 25 მილიონი ევროს ოდენობის სესხს გამოუყოფს. ამ დაფინანსების მინიმუმ 70% ქართული მიკრო, მცირე და საშუალო საწარმოების ეკოლოგიურად დაბალანსებას და კონკურენტუნარიანობის გაზრდას მოხმარდება.
გარდა ამისა, ინიციატივის, EU4Business ფარგლებში ევროკავშირი ბენეფიციარ კომპანიებს გრანტებით და უფასო ტექნიკური დახმარებით უზრუნველყოფს.
აღნიშნული საკრედიტო პაკეტის დახმარებით კომპანიები საკუთარი პროდუქციის და მომსახურების მოდერნიზაციას შეძლებენ. ეს კი მათ სერვისებს ევროკავშირის სტანდარტებთან შესაბამისობაში მოიყვანს, რაც საერთაშორისო ბაზრებზე წარმატების მიღწევის წინაპირობაა.
მხარდაჭერა ინიციატივის, EU4Business-EBRD-ის საკრედიტო ხაზის ფარგლებში ხორციელდება. ეს არის მოლდოვაში, საქართველოში, სომხეთსა და უკრაინაში ხელმისაწვდომი ერთობლივი ფინანსური ინსტრუმენტი, რომლის მიზანია ადგილობრივი კომპანიების ეკოლოგიური დაბალანსება და კონკურენტუნარიანობის გაზრდა. პროგრამის 2016 წელს დაწყებიდან დღემდე ამ საკრედიტო სქემით 170-მა ქართულმა კომპანიამ ისარგებლა.
დამატებითი ინფორმაცია
ყველაზე წაკითხული
თემაზე
ევროკავშირი, გაერო და ავსტრია საქართველოში ჰაერის ხარისხის გასაუმჯობესებლად ახალ პროექტს იწყებენ
ევროკავშირი უცხოური გავლენის შესახებ კანონს „ევროკავშირის ნორმებთან და ღირებულებებთან შეუთავსებელს“ უწოდებს
არა, დრო რუსეთის მხარეს არაა: ბორელი ომისა და ევროკავშირის სანქციების შედეგად რუსეთის ეკონომიკის დასუსტებას აღწერს
ევროკავშირის პოლიტიკის და უსაფრთხოების კომიტეტის წევრები საქართველოს სამუშაო ვიზიტით ეწვივნენ
ევროკავშირი და გერმანია აჭარაში წყალმომარაგებისა და წყალარინების სისტემების განახლებას უჭერენ მხარს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
