ევროპის ნარკოტიკებისა და ნარკომანიის მონიტორინგის ცენტრი საქართველოსთან ორმხრივი ტექნიკური თანამშრომლობის პროექტს იწყებს
ევროპის ნარკოტიკების და ნარკომანიის მონიტორინგის ცენტრმა (EMCDDA) 3 მაისს საქართველოსთან პირველი ორმხრივი ტექნიკური თანამშრომლობის პროექტი დაიწყო. პროექტის მიზანი ნარკომანიასთან დაკავშირებული ჯანმრთელობის და უსაფრთხოების საკითხებზე ეროვნული რეაგირების გაუმჯობესებაა. პროექტი, EMCDDA4Georgia, უპირველეს ყოვლისა, ნარკომანიის მონიტორინგის, ანგარიშგების, პრევენციის და მკურნალობის სფეროებში ცოდნის გაზიარებასა და კომპეტენციის ამაღლებაზე იქნება ფოკუსირებული.
ახალი პროექტი სააგენტოს ქართველ პარტნიორებს უკეთ გააცნობს ნარკოტიკული საშუალებების შესახებ არსებულ ევროკავშირის საინფორმაციო სისტემას, მის მეთოდოლოგიას და ინსტრუმენტებს. ის ასევე გაუზიარებს გამოცდილებას ნარკოდამოკიდებულებასთან ბრძოლის სფეროში. გარდა ამისა, პროექტი ახლადშექმნილ ნარკოვითარების მონიტორინგის ეროვნულ ცენტრსაც დაუჭერს მხარს.
EMCDDA4GE საქართველოში ევროკავშირის წარმომადგენლობის ზედამხედველობით განხორციელდება. პროექტი, ამასთან, მჭიდროდ ითანამშრომლებს ევროპის საგარეო ქმედებათა სამსახურთან (EEAS), ევროკომისიის სამეზობლო და გაფართოების საკითხებზე მოლაპარაკებების გენერალურ დირექტორატთან (DG NEAR) და ევროკომისიის მიგრაციის და საშინაო საქმეთა გენერალურ დირექტორატთან (DG HOME).
დამატებითი ინფორმაცია
ყველაზე წაკითხული
თემაზე
ევროკავშირი, გაერო და ავსტრია საქართველოში ჰაერის ხარისხის გასაუმჯობესებლად ახალ პროექტს იწყებენ
ევროკავშირი უცხოური გავლენის შესახებ კანონს „ევროკავშირის ნორმებთან და ღირებულებებთან შეუთავსებელს“ უწოდებს
არა, დრო რუსეთის მხარეს არაა: ბორელი ომისა და ევროკავშირის სანქციების შედეგად რუსეთის ეკონომიკის დასუსტებას აღწერს
ევროკავშირის პოლიტიკის და უსაფრთხოების კომიტეტის წევრები საქართველოს სამუშაო ვიზიტით ეწვივნენ
ევროკავშირი და გერმანია აჭარაში წყალმომარაგებისა და წყალარინების სისტემების განახლებას უჭერენ მხარს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
