ევროპის დღე: ევროკავშირი გვერდში უდგას საქართველოს საერთო ფასეულობების — მშვიდობის და დემოკრატიის დასაცავად

ევროპის დღე: ევროკავშირი გვერდში უდგას საქართველოს საერთო ფასეულობების — მშვიდობის და დემოკრატიის დასაცავად

მაისი 10, 2022

ევროკავშირის ელჩმა, კარლ ჰარცელმა ევროპის დღეს, 9 მაისს და იმ წელს, როდესაც საქართველომ ევროკავშირის წევრობაზე განაცხადი შეიტანა, ქვეყნისადმი ევროკავშირის მხარდაჭერაზე განცხადება გააკეთა. მისი თქმით, ევროკავშირი გვერდში უდგას საქართველოს ძლიერი, განვითარებული და დემოკრატიული სახელმწიფოს შენების პროცესში COVID-ის და სხვა კრიზისების პერიოდში. ამასთან, ის საქართველოს დამოუკიდებლობასა და ტერიტორიულ მთლიანობას ურყევი სიმტკიცით უჭერს მხარს.

ჰარცელის თანახმად, ევროპის დღეს აღინიშნება ევროპის შესახებ ახალი ხედვა, რომელსაც 72 წლის წინ შუმანის დეკლარაციით ჩაეყარა საფუძველი: „იმ დროს, როდესაც ევროპა ჯერ კიდევ გამანადგურებელი ომის ფერფლიდან აღდგენის პროცესში იყო, მას გადაწყვეტილი ჰქონდა, აღარ დაეშვა ომები ევროპაში“.

„მართალია, ჩვენ ამ ხედვის ერთგულები ვრჩებით, თუმცა, სამწუხაროდ, სხვები უხეშად და ტრაგიკულად ახდენენ განსხვავებული თვალსაზრისის დემონსტრირებას“, — განაცხადა ელჩმა, — „როდესაც რუსეთი თავის გაუმართლებელ ომს აწარმოებს ევროპაში, ჩვენ ერთად ვუცხადებთ უკრაინას მტკიცე სოლიდარობას იმ ფასეულობების და პრინციპების საფუძველზე, რომლებიც გვაერთიანებს და რომელსაც ჩვენი კავშირი ემყარება“.

„აქ, საქართველოში ჩვენი მჭიდრო პარტნიორობა იმავე ფასეულობებზეა დამყარებული“, — აღნიშნა კარლ ჰარცელმა, — „ესაა პარტნიორობა, რომელიც მომავალში კიდევ უფრო გაიზრდება, რადგან საქართველომ ისტორიული ნაბიჯი გადადგა, როდესაც ევროკავშირში გაწევრიანებაზე განაცხადი შეტანა — მისი მოსახლეობის აბსოლუტური უმრავლესობის მისწრაფებების შესაბამისად და ცივილიზაციურ ფესვებზე დაყრდნობით“.

წელს საქართველოში ევროპის დღის აღსანიშნავი ღონისძიებები რეჟისორ გიორგი ქველიძის მიერ გადაღებული ახალი ფილმის, „მე და ევროპა“, გარშემო დაიგეგმა. ფილმი ევროპისა და საქართველოს საერთო ფასეულობებს წარმოაჩენს და საქართველოს რეგიონებში მცხოვრები ადამიანების ისტორიებს გვიყვება.

2022 წლის ევროპის დღისთვის შექმნილი დოკუმენტური ფილმის პრემიერა 9 მაისს 21:00 საათზე საქართველოში ევროკავშირის წარმომადგენლობის Facebook-ის გვერდზე შედგა.

დამატებითი ინფორმაცია 

ელჩის განცხადება

პრესრელიზი



თემაზე

ევროკავშირის და დიდი შვიდეულის სპეციალურმა ჯგუფმა რუსეთის სანქცირებულ მოქალაქეებს 30 მილიარდი დოლარის ქონება გაუყინა
ივლისი 1, 2022

ევროკავშირის და დიდი შვიდეულის სპეციალურმა ჯგუფმა რუსეთის სანქცირებულ მოქალაქეებს 30 მილიარდი დოლარის ქონება გაუყინა

ევროკავშირი, EBRD და გერმანია საქართველოს სკოლების რეაბილიტაციას ეხმარებიან
ივლისი 1, 2022

ევროკავშირი, EBRD და გერმანია საქართველოს სკოლების რეაბილიტაციას ეხმარებიან

დიდი შვიდეულის ლიდერები პუტინის რეჟიმზე და ბელარუსში მის მოკავშირეებზე ეკონომიკურ და პოლიტიკურ ზეწოლას გააძლიერებენ 
ივნისი 30, 2022

დიდი შვიდეულის ლიდერები პუტინის რეჟიმზე და ბელარუსში მის მოკავშირეებზე ეკონომიკურ და პოლიტიკურ ზეწოლას გააძლიერებენ 

საქართველოში ევროკავშირის წარმომადგენლობა ქვეყნის ევროპული პერსპექტივის შესახებ თქვენს კითხვებს უპასუხებს
ივნისი 30, 2022

საქართველოში ევროკავშირის წარმომადგენლობა ქვეყნის ევროპული პერსპექტივის შესახებ თქვენს კითხვებს უპასუხებს

ახალგაზრდები ჯანმრთელი და დემოკრატიული საზოგადოებისთვის: წაიკითხეთ ახალგაზრდა ევროპელი ელჩების ჟურნალის მეორე გამოცემა 
ივნისი 29, 2022

ახალგაზრდები ჯანმრთელი და დემოკრატიული საზოგადოებისთვის: წაიკითხეთ ახალგაზრდა ევროპელი ელჩების ჟურნალის მეორე გამოცემა 


გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის B&S ევროპის კონსორციუმი.

ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით.
© European Union,