ევროკავშირმა უკრაინას გადაუდებელი დახმარების სახით 300 მილიონი ევრო გამოუყო

ევროკავშირმა უკრაინას გადაუდებელი დახმარების სახით 300 მილიონი ევრო გამოუყო

მარტი 14, 2022

11 მარტს ევროკომისიამ უკრაინას გადაუდებელი მაკროფინანსური დახმარების სახით 300 მილიონი ევრო გამოუყო. თანხა სასწრაფო წესით გადაირიცხება, რათა რუსეთის არაპროვოცირებული და გაუმართლებელი აგრესიის ფონზე, უკრაინის მაკროეკონომიკური სტაბილურობა გააძლიეროს.

ეს იმ 600 მილიონი ევროს ოდენობის პირველი ტრანშის საწყისი ნაწილია, რომელიც უკრაინის ახალი, 1.2 მილიარდი ევროს ოდენობის გადაუდებელი მაკროფინანსური დახმარების ფარგლებში გაიცემა. დამატებით 300 მილიონი ევროს ოდენობის მეორე ტრანში, სავარაუდოდ, მიმდინარე კვირას გამოიყოფა. 

იმავდროულად, ევროკომისია უკრაინისთვის გადაუდებელი დახმარების გასაწევად სხვა მიმართულებებითაც მუშაობს. ეს მოიცავს დახმარებას როგორც ჰუმანიტარულ, ისე სამოქალაქო თავდაცვის სფეროში. 1 მარტს ევროკომისიის პრეზიდენტმა, ურსულა ფონ დერ ლაიენმა განაცხადა, რომ ჰუმანიტარული კრიზისის აღმოსაფხვრელად ევროკავშირი დამატებითი დაფინანსების სახით მინიმუმ 500 მილიონ ევროს გამოყოფდა.

„პუტინის გაუმართლებელი ომი უკრაინისა და მისი მამაცი ხალხისთვის არა მარტო სასტიკი სამხედრო ინტერვენცია, არამედ ეკონომიკური წნეხიცაა, — აღნიშნა ურსულა ფონ დერ ლაიენმა“, — „ევროპა მყარად დგას უკრაინელების გვერდით. მოხარული ვარ განვაცხადო, რომ დღეს ევროკავშირმა უკრაინის ფინანსების მხარდასაჭერად 300 მილიონი ევროს ოდენობის გადაუდებელი მაკროფინანსური დახმარება გამოყო. ამას დამატებითი დაფინანსებები და დახმარების პაკეტებიც მოჰყვება“.

„ეს ის კრიტიკული პერიოდია, როდესაც უკრაინას სასწრაფოდ სჭირდება ჩვენი დახმარება“, — დასძინა ევროკომისიის აღმასრულებელმა ვიცე-პრეზიდენტმა ეკონომიკის საკითხებში, ვალდის დომბროვსკისმა, — „ჩვენ გადაუდებელი მაკროფინანსური დახმარების პირველ ნაწილს უკრაინას რეკორდული სისწრაფით ვაწვდით… უკრაინისა და მისი ხალხის წინააღმდეგ რუსეთის არაპროვოცირებული აგრესიით გამოწვეული უსაზღვრო ტანჯვისა და გაჭირვების პერიოდში, ეს სასიცოცხლო მნიშვნელობის დახმარებაა. ევროპა აკეთებს ყველაფერს, რაც შეუძლია, რათა მხარი დაუჭიროს უკრაინას ამ უმძიმეს პერიოდში, რადგან მისი ხალხი — სუვერენული სახელმწიფოს ხალხი — დემოკრატიისა და თავისუფლებისთვის იბრძვის“.

დამატებითი ინფორმაცია

პრესრელიზი



თემაზე

საერთაშორისო პარტნიორების განცხადებით, ლგბტქი+ თემი  საქართველოში ყველაზე დაუცველ ჯგუფთა შორის რჩება
მაისი 18, 2022

საერთაშორისო პარტნიორების განცხადებით, ლგბტქი+ თემი  საქართველოში ყველაზე დაუცველ ჯგუფთა შორის რჩება

მწვანე უნარების კონკურსის გამარჯვებულების გამოსავლენად კენჭისყრა დაიწყო — ფინალისტებს შორის საქართველოს წარმომადგენლებიც არიან
მაისი 16, 2022

მწვანე უნარების კონკურსის გამარჯვებულების გამოსავლენად კენჭისყრა დაიწყო — ფინალისტებს შორის საქართველოს წარმომადგენლებიც არიან

ENPARD საქართველოს სოფლების განვითარებისთვის თანაინვესტირების გრანტებს გასცემს
მაისი 16, 2022

ENPARD საქართველოს სოფლების განვითარებისთვის თანაინვესტირების გრანტებს გასცემს

ინფორმირების ინსტრუმენტი რუსეთის ან ბელარუსის მიერ ევროკავშირის სანქციების დარღვევის შემთხვევებს კრებს
მაისი 12, 2022

ინფორმირების ინსტრუმენტი რუსეთის ან ბელარუსის მიერ ევროკავშირის სანქციების დარღვევის შემთხვევებს კრებს

საქართველოს პარლამენტი თქვენს ტელეფონში: ევროკავშირის დახმარებით ახალი აპლიკაცია შეიქმნა
მაისი 12, 2022

საქართველოს პარლამენტი თქვენს ტელეფონში: ევროკავშირის დახმარებით ახალი აპლიკაცია შეიქმნა


გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის B&S ევროპის კონსორციუმი.

ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით.
© European Union,