ევროკავშირმა საქართველოს დოკუმენტების შემოწმების უახლესი აღჭურვილობა გადასცა

ევროკავშირმა საქართველოს დოკუმენტების შემოწმების უახლესი აღჭურვილობა გადასცა

ოქტომბერი 18, 2021

ევროკავშირმა საქართველოს 70,000 ევროს (250,000 ლარის) ღირებულების დოკუმენტების შესამოწმებელი მოწყობილობები გადასცა. ეს აღჭურვილობა გააუმჯობესებს საქართველოს მთავრობის შესაძლებლობებს უკანონო მიგრაციასთან ბრძოლაში და გააძლიერებს სასაზღვრო უსაფრთხოებას.

მოწყობილობები განთავსდება შინაგან საქმეთა სამინისტროს საექსპერტო-კრიმინალისტიკური დეპარტამენტის ქუთაისის ლაბორატორიაში. მათ ქუთაისის საერთაშორისო აეროპორტში სამგზავრო დოკუმენტების შესამოწმებლად გამოიყენებენ.

ინიციატივა ევროკავშირის მიერ დაფინანსებული იმ მნიშვნელოვანი პროგრამის ნაწილია, რომელსაც მიგრაციის საერთაშორისო ორგანიზაცია (IOM) მიგრაციისა და საზღვრის მართვის სფეროში ახორციელებს. საქართველო უახლოეს მომავალში დამატებით აღჭურვილობასაც მიიღებს, ხოლო სამართალდამცავი ორგანოების თანამშრომლები სპეციალიზებულ წვრთნას გაივლიან. ეს ყველაფერი ხელს შეუწყობს საქართველოს საზღვრის დაცვის შესაძლებლობების განვითარებას ევროკავშირთან უვიზო რეჟიმის შეჩერების მექანიზმის სტანდარტების შესაბამისად.

დამატებითი ინფორმაცია

პრესრელიზი


თემაზე


გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის B&S ევროპის კონსორციუმი.

ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით.
© European Union,