ევროკავშირის ცისფერი ბარათი: ევროპარლამენტმა და ევროპულმა საბჭომ მაღალკვალიფიციური მიგრანტების მიღების ახალი წესები შეათანხმეს
17 მაისს ევროპის პარლამენტმა და ევროპულმა საბჭომ დაბალშემოსავლიან ქვეყნებიდან მაღალკვალიფიციური სპეციალისტების ევროკავშირში შესვლასა და ცხოვრებასთან დაკავშირებული ახალი წესები შეათანხმეს. განახლებული წესები ევროკავშირის ცისფერი ბარათის შესახებ დირექტივის გადახედილი ვერსიის ნაწილია.
ახალი წესები ევროკავშირს მაღალკვალიფიციური მუშახელის მიზიდვაში დაეხმარება. კერძოდ, მიგრანტთა მიღების პირობები უფრო მოქნილი გახდება. სპეციალისტებს კი მიეცემათ მეტი უფლებები, რაც მუშაობისა და ევროკავშირის სხვადასხვა ქვეყანაში გადაადგილების გაუმჯობესებული შესაძლებლობებით გამოიხატება.
„მიგრანტ სპეციალისტებს უკვე შეაქვთ მნიშვნელოვანი წვლილი ევროკავშირის ეკონომიკაში. მაგრამ ევროპის მოსახლეობის შემცირება და დაბერება ნიშნავს იმას, რომ ჩვენ უნდა გავაგრძელოთ ნიჭიერი და კვალიფიციური ადამიანების მოზიდვა საზღვარგარეთიდან“, — განაცხადა ევროკომისიის წევრმა შინაგან საქმეთა საკითხებში, ილვა იოჰანსონმა, — „დღევანდელი შეთანხმება მიგრაციის და თავშესაფრის შესახებ ახალი პაქტის საკვანძო ელემენტია, რომელიც მიგრაციის პოლიტიკის ნორმალიზების საშუალებას მოგვცემს“.
ევროპარლამენტმა და ევროპულმა საბჭომ პოლიტიკური შეთანხმება ევროკავშირის ცისფერი ბარათის შესახებ დირექტივის მიღებით ოფიციალურად უნდა დაადასტურონ. ამის შემდეგ კი ევროკავშირის ქვეყნებს ექნებათ ორი წელი იმისთვის, რომ საკუთარი კანონმდებლობა დირექტივასთან შესაბამისობაში მოიყვანონ.
დამატებით ინფორმაცია:
ყველაზე წაკითხული
თემაზე
ევროკავშირი, გაერო და ავსტრია საქართველოში ჰაერის ხარისხის გასაუმჯობესებლად ახალ პროექტს იწყებენ
ევროკავშირი უცხოური გავლენის შესახებ კანონს „ევროკავშირის ნორმებთან და ღირებულებებთან შეუთავსებელს“ უწოდებს
არა, დრო რუსეთის მხარეს არაა: ბორელი ომისა და ევროკავშირის სანქციების შედეგად რუსეთის ეკონომიკის დასუსტებას აღწერს
ევროკავშირის პოლიტიკის და უსაფრთხოების კომიტეტის წევრები საქართველოს სამუშაო ვიზიტით ეწვივნენ
ევროკავშირი და გერმანია აჭარაში წყალმომარაგებისა და წყალარინების სისტემების განახლებას უჭერენ მხარს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
