ევროკავშირის ელჩმა საქართველოში ენერგოეფექტიანი საბავშვო ბაღი გახსნა

ევროკავშირის ელჩმა საქართველოში ენერგოეფექტიანი საბავშვო ბაღი გახსნა

ნოემბერი 15, 2021

12 ნოემბერს ევროკავშირმა და თელავის მუნიციპალიტეტმა ოფიციალურად გახსნეს კახეთის პირველი ენერგოეფექტიანი საბავშვო ბაღი, რომელიც ევროკავშირის დახმარებით განახლდა. ბიომასის ენერგიის ტექნოლოგიის გამოყენებით, საბავშვო ბაღი ზამთარში სრულად გათბება და ამავდროულად ხარჯების 60%-ს დაზოგავს.

„ამ საბავშვო ბაღისთვის ჩვენ ვიყენებთ ინოვაციურ ტექნოლოგიებს და ნარჩენებს ვენახებიდან, რაც გათბობის იაფი და კარგი საშუალებაა. ამ მეთოდის მეშვეობით, ჩვენ ბავშვებს  უკეთეს და ჯანსაღ გარემოს ნაკლები ენერგიისა და ნაკლები ფინანსური რესურსების გამოყენებით ვუქმნით“, – განაცხადა ელჩმა, კარლ ჰარცელმა. კახეთში მისი ვიზიტი განხორციელდა ენერგოეფექტიანობის საინფორმაციო კამპანიის ფარგლებში, რომელიც გასულ კვირას დაიწყო.

თელავის მუნიციპალიტეტის სოფელ იყალთოს საბავშვო ბაღი განახლებამდე გასათბობად შეშას იყენებდა და ამ გზით ზამთარში შენობის მხოლოდ 40%-ის გათბობა იყო შესაძლებელი. საბავშვო ბაღს რეაბილიტაცია ევროკავშირის მიერ დაფინანსებული პროექტის, „ბიომასის ენერგია და ენერგოეფექტიანი ტექნოლოგიები როგორც მდგრადი ენერგეტიკული გადაწყვეტილებები მერების შეთანხმების ხელმომწერი ქალაქებისთვის“, ფარგლებში ჩაუტარდა.

გარდა ამისა, ევროკავშირმა მუნიციპალიტეტს ორი ტრაქტორი და ბიომასაზე მომუშავე გამათბობლებში გამოყენებული ნასხლავის ნარჩენების შემგროვებელი და გადამამუშავებელი სპეციალური ტექნიკა გადასცა.

დამატებითი ინფორმაცია

პრესრელიზი



თემაზე


გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის B&S ევროპის კონსორციუმი.

ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით.
© European Union,