ევროკავშირი დემოკრატიის მხარდასაჭერად 2021 წელს დამატებით 119.5 მილიონ ევროს გამოყოფს

ევროკავშირი დემოკრატიის მხარდასაჭერად 2021 წელს დამატებით 119.5 მილიონ ევროს გამოყოფს

სექტემბერი 24, 2021

2021 წლის დემოკრატიის საერთაშორისო კვირეულის შემდეგ ევროკავშირმა განაცხადა, რომ მთელი მსოფლიოს მასშტაბით დემოკრატიის და ადამიანის უფლებების მხარდამჭერ პროგრამებს 2021 წელს 119.5 მილიონი ევროთი დააფინანსებს.

დაახლოებით 100.8 მილიონი ევრო 116 ქვეყნის ადგილობრივი სამოქალაქო საზოგადოებრივი ორგანიზაციების, დემოკრატიული მოძრაობის აქტივისტების და ადამიანის უფლებათა დამცველების მხარდაჭერას მოხმარდება. ამასთან, განსაკუთრებული ყურადღება ქალთა და ახალგაზრდობის საკითხებზე გამახვილდება. ქვეყნები დაფინანსებას მეზობლობის, განვითარების და საერთაშორისო თანამშრომლობის ახალი  ინსტრუმენტის — „გლობალური ევროპის“ (NDICI) ფარგლებში მიიღებენ და მას ევროკავშირის წარმომადგენლობები განკარგავენ.

გარდა ამისა, ევროკავშირი 2021 წლის ბიუჯეტიდან 4.8 მილიონ ევროს გაეროს ადამიანის უფლებათა დაცვის უმაღლესი კომისრის ოფისისთვის (OHCHR) გამოყოფს. ევროკავშირის ადამიანის უფლებათა კრიზისების მოგვარების მექანიზმი კი 4 მილიონი ევროთი გააგრძელებს სამოქალაქო საზოგადოებრივი ორგანიზაციების მხარდაჭერას მსოფლიოს იმ ქვეყნებში,  სადაც ადამიანის უფლებებს და ფუნდამენტურ თავისუფლებებს ყველაზე დიდი საფრთხე ემუქრება.

ასი უნივერსიტეტის უნიკალური ქსელი — ადამიანის უფლებათა გლობალური კამპუსი 2021-2022 აკადემიურ წელს 4.9 მილიონ ევროს მიიღებს. გლობალური კამპუსი ევროკავშირმა ადამიანის უფლებების სწავლებასთან დაკავშირებულ საკითხებში რეგიონული და გლობალური თანამშრომლობის გასავითარებლად შექმნა. ამ მიზანს ქსელი შვიდი რეგიონული სამაგისტრო პროგრამის საშუალებით ემსახურება.

დამატებითი ინფორმაცია

პრესრელიზი

ევროკავშირის ადამიანის უფლებებისა და დემოკრატიის სამოქმედო გეგმა 2020-2024

ევროკავშირის III სამოქმედო გეგმა გენდერულ საკითხებზე 


თემაზე

snimok ekrana 2021 11 26 v 11.58.06
ნოემბერი 29, 2021

CyberEast და TOPCOP აღმოსავლეთ პარტნიორობის რეგიონის სამართალდამცავ უწყებებს დარქვებში დამნაშავეობასთან ბრძოლაში ეხმარებიან

snimok ekrana 2021 11 26 v 10.30.50
ნოემბერი 29, 2021

უფლებამოსილი ახალგაზრდობა ძლიერი დემოკრატიის საფუძველია: ახალგაზრდობის ფორუმმა აღმოსავლეთ პარტნიორობის სამიტის წინ საკვანძო საკითხები განიხილა

snimok ekrana 2021 11 25 v 13.20.31
ნოემბერი 26, 2021

პროგრამის, Erasmus+ 2022 წლის ბიუჯეტი 3.9 მილიარდ ევრომდე გაიზარდა

snimok ekrana 2021 11 24 v 13.25.15
ნოემბერი 25, 2021

ევროკავშირის მხარდაჭერით, რუსთავში 3 საბავშვო ბაღის შენობა ენერგოეფექტიანი გახდა

snimok ekrana 2021 11 22 v 13.36.55
ნოემბერი 23, 2021

სამოქალაქო საზოგადოება ქვემო ქართლის რეგიონში ვაქცინაციის პროცესს უწყობს ხელს


გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის B&S ევროპის კონსორციუმი.

ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით.
© European Union,