EU4Digital აღმოსავლეთ პარტნიორობის ქვეყნებსა და ევროკავშირს შორის ელექტრონული კომერციის ჰარმონიზაციისთვის რეკომენდაციებს აქვეყნებს
პროგრამამ, EU4Digital, აღმოსავლეთ პარტნიორობის ქვეყნებსა და ევროკავშირს შორის ელექტრონული კომერციის ჰარმონიზაციის მიზნით თავისი რეკომენდაციები გამოაქვეყნა. ანგარიში სამ სფეროს მოიცავს: ეკოსისტემას, საკანონმდებლო ჩარჩოს და დაწესებულ სტანდარტებს.
რეკომენდაციები ტრანსსასაზღვრო ელექტრონულ კომერციაში არსებული ბარიერების დაძლევის, ვაჭრობის მოცულობის გაზრდისა და ცნობიერების ამაღლებისკენაა მიმართული. ეს რჩევები, ამასთან, აღმოსავლეთ პარტნიორობის ქვეყნებს იმ ცვლილებებისთვის მოამზადებს, რომლებსაც ევროკავშირი ე-კომერციის სფეროში მიმდინარე წელს იღებს.
ამ რეკომენდაციათა საფუძველზე უკვე შემუშავებულია ექვსი ეროვნული სამოქმედო გეგმა. ამ გეგმათა განსახორციელებლად აღმოსავლეთ პარტნიორობის ქვეყნებმა კანონმდებლობის და დაწესებული სტანდარტების სფეროებში საჭირო ცვლილებები უნდა შეიტანონ. ამასთან, სამთავრობო და არასამთავრობო მხარეებმა გაწერილი რეკომენდაციები ეროვნული ეკონომიკის განვითარების გეგმების შედგენისა და განხორციელების დროსაც უნდა გაითვალისწინონ.
გაცემული რეკომენდაციებიდან ერთ-ერთი — ვირტუალური საწყობის შექმნა — საპილოტე პროექტად შეირჩა. პროექტს ერთი მხრივ საქართველო, აზერბაიჯანი და სომხეთი, ხოლო მეორე მხრივ ევროკავშირი (გერმანია) განახორციელებენ. საპილოტე ინიციატივის ფარგლებში, ე-კომერციაში მონაწილე მხარეები ვირტუალური სახელმწიფო საწყობების/მონაცემთა ბაზების საშუალებით ავტომატურად გაცვლიან ინფორმაციას გაყიდვების, განბაჟებისა და პროდუქტთა მიწოდების საკითხებზე.
დამატებითი ინფორმაცია
ყველაზე წაკითხული
თემაზე
ევროკავშირი, გაერო და ავსტრია საქართველოში ჰაერის ხარისხის გასაუმჯობესებლად ახალ პროექტს იწყებენ
ევროკავშირი უცხოური გავლენის შესახებ კანონს „ევროკავშირის ნორმებთან და ღირებულებებთან შეუთავსებელს“ უწოდებს
არა, დრო რუსეთის მხარეს არაა: ბორელი ომისა და ევროკავშირის სანქციების შედეგად რუსეთის ეკონომიკის დასუსტებას აღწერს
ევროკავშირის პოლიტიკის და უსაფრთხოების კომიტეტის წევრები საქართველოს სამუშაო ვიზიტით ეწვივნენ
ევროკავშირი და გერმანია აჭარაში წყალმომარაგებისა და წყალარინების სისტემების განახლებას უჭერენ მხარს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
