EBRD, ევროკავშირი და KfW საქართველოს სკოლებში ენერგოეფექტიანობის გაზრდას შეუწყობენ ხელს

EBRD, ევროკავშირი და KfW საქართველოს სკოლებში ენერგოეფექტიანობის გაზრდას შეუწყობენ ხელს

აპრილი 4, 2022

ევროპის რეკონსტრუქციისა და განვითარების ბანკი (EBRD), ევროკავშირი და გერმანიის რეკონსტრუქციის საკრედიტო ბანკი (KfW) საქართველოში ენერგოეფექტიანობის განვითარებას ახალი დაფინანსებით დაუჭერენ მხარს.

ინიციატივის ფარგლებში EBRD 40 მილიონი ევროს ოდენობის სესხს, ხოლო ევროკავშირი 13 მილიონი ევროს ოდენობის გრანტს გამოყოფს. დაფინანსება, უპირველეს ყოვლისა, სკოლებში გამოყენებული ენერგიის  შემცირებას მოხმარდება, რაც ქვეყნის მასშტაბით ენერგოუსაფრთხოებას და გარემოს დაცვას შეუწყობს ხელს. გარდა ამისა, KfW გერმანიის ეკონომიკური განვითარების და თანამშრომლობის სამინისტროს სახელით დამატებით დაფინანსებას გამოყოფს.

ინვესტიცია მოხმარდება სკოლების ფასადების, სახურავების, სარდაფების და ახალი ფანჯრებისა და კარების თბოიზოლაციას. ასევე განახლდება გათბობის სისტემები (მათ შორის გათბობის ქვაბები, მილები თუ ტუმბოები), ვენტილაცია, გაგრილების სისტემები და წყლის დამზოგავი დანადგარები.

„EBRD-ისა KfW-ისთან განხორციელებული ერთობლივი პროგრამა ევროკავშირს აძლევს საშუალებას, საქართველოს სკოლებს ენერგოეფექტიანი რეაბილიტაციის მასშტაბების გაზრდაში დაეხმაროს“, — განაცხადა საქართველოში ევროკავშირის წარმომადგენლობის თანამშრომლობის განყოფილების ხელმძღვანელმა, სიგრიდ ბრეტელმა, — „ენერგეტიკაზე ხარჯების და ნახშირორჟანგის ემისიის შემცირების გარდა, ეს ინვესტიცია მოსწავლეებს უფრო ჯანმრთელი გარემოთი უზრუნველყოფს, შექმნის სამუშაო ადგილებს და გააუმჯობესებს ენერგოუსაფრთხოებას“.

დამატებითი ინფორმაცია 

პრესრელიზი




გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის B&S ევროპის კონსორციუმი.

ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით.
© European Union,