13 მარტს საქართველოში კორონავირუსის საწინააღმდეგო ვაქცინის 43,200 დოზა ჩამოვიდა.
„შემდეგი ნაბიჯი ვაქცინაციის დაწყებაა. მე ვამაყობ, რომ ევროკავშირი და ჯანმრთელობის მსოფლიო ორგანიზაცია ეხმარებიან საქართველოს მთავრობას ტრენინგებით, რეკომენდაციებით და ლოგისტიკური მხარდაჭერით. ამ ყველაფრის მიზანი ვაქცინის რაც შეიძლება სწრაფად და ეფექტიანად მიწოდებაა მათთვის, ვისაც ის ყველაზე მეტად სჭირდებათ“, — აღნიშნა საქართველოში ევროკავშირის წარმომადგენლობის ხელმძღვანელმა, კარლ ჰარცელმა.
მან საზოგადოებას შეახსენა, რომ პანდემიის დასაწყისიდანვე ევროკავშირი და ევროპის გუნდი საქართველოს აქტიურად უჭერენ მხარს. ამ მიზნით ისინი ფინანსურად ეხმარებიან როგორც მთავრობას, ისე უშუალოდ ჯანდაცვის, სოციალური და კერძო სექტორების ძალისხმევას. „ერთ სულ მოსახლეზე ევროკავშირის მიერ გაღებული დახმარების თვალსაზრისით, მხარდაჭერის ეს პაკეტი ერთ-ერთი უდიდესია მსოფლიოში. ამით ევროკავშირი ქართველებისადმი სოლიდარობას გამოხატავს“, — დასძინა კარლ ჰარცელმა.
დამატებითი ინფორმაცია
ევროკავშირი და ჯანმო საქართველოს ვაქცინაციის პროცესისთვის მომზადებაში დაეხმარებიან
სხვა საინფორმაციო კამპანიები:
გაინტერესებთ უკანასკნელი ცნობები და შესაძლებლობები?
ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,