ახალი წესები ევროჯასტისთვის: სააგენტო ომის დანაშაულების მტკიცებულებათა შენახვას შეძლებს 

ახალი წესები ევროჯასტისთვის: სააგენტო ომის დანაშაულების მტკიცებულებათა შენახვას შეძლებს 

მაისი 27, 2022

25 მაისს ევროკავშირის საბჭომ დაამტკიცა ახალი წესები, რომლებიც ევროჯასტს საშუალებას აძლევს, გააანალიზოს და შეინახოს ძირითად საერთაშორისო დანაშაულებთან დაკავშირებული მტკიცებულებები – იქნება ეს ომის დანაშაულები, კაცობრიობის წინააღმდეგ ჩადენილი დანაშაულები თუ გენოციდი.

ევროკავშირმა ახალი წესების შემოღება უკრაინაში რუსეთის ომის დაწყების შემდეგ გადაწყვიტა. უკრაინიდან მოწოდებული უამრავი ანგარიში მიუთითებს რუსეთის სამხედროების მიერ ჩადენილ ომის დანაშაულებსა და კაცობრიობის წინააღმდეგ ჩადენილ დანაშაულებზე. ამავე დროს, უკრაინას არ შეუძლია, რომ თავის ტერიტორიაზე სამხედრო ოპერაციების მიმდინარეობისას უსაფრთხოდ შეინახოს ამ დანაშაულთა მტკიცებულებები.

ახალი წესები ევროჯასტს საშუალებას მისცემს:

  • შეინახოს ომის დანაშაულებთან დაკავშირებული მტკიცებულებები, მათ შორის სატელიტური გამოსახულებები, ფოტოები, ვიდეო და აუდიოჩანაწერები, დნმ-ის პროფილები და თითის ანაბეჭდები.
  • დაამუშაოს და გააანალიზოს მტკიცებულებები ევროპოლთან თანამშრომლობით და გაუზიაროს ინფორმაცია შესაბამის ეროვნულ და საერთაშორისო სასამართლო ორგანოებს, მათ შორის სისხლის სამართლის საერთაშორისო სასამართლოს. 

ევროპარლამენტი და საბჭო ახალი წესების დამამტკიცებელ დოკუმენტს 30 მაისს მოაწერენ ხელს, შემდეგ კი ის ევროკავშირის ოფიციალურ ჟურნალში გამოქვეყნდება. წესები ძალაში გამოქვეყნებიდან მეორე დღეს შევა.

დამატებითი ინფორმაცია

პრესრელიზი




გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის B&S ევროპის კონსორციუმი.

ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით.
© European Union,