ახალგაზრდა ევროპელი ელჩები გმობენ ომს და სოლიდარობას უცხადებენ უკრაინას

ახალგაზრდა ევროპელი ელჩები გმობენ ომს და სოლიდარობას უცხადებენ უკრაინას

მარტი 2, 2022

ევროკავშირის ახალგაზრდა ევროპელმა ელჩებმა თავიანთი უკრაინელი კოლეგების მხარდასაჭერად და რუსეთის აგრესიის დასაგმობად განცხადება გამოაქვეყნეს.

განცხადებაში ვკითხულობთ:

„ჩვენ მხარს ვუჭერთ უკრაინის ტერიტორიულ მთლიანობას, სუვერენიტეტს და დამოუკიდებლობას.

ჩვენ მკაცრად ვგმობთ რუსეთის უკანონო და არაპროვოცირებულ აგრესიას.

ჩვენ ვემხრობით ძალადობის ყოველგვარი ფორმის დაუყოვნებლივ დასრულებას და ევროკავშირის წევრი სახელმწიფოების მხრიდან  ლტოლვილების, იძულებით გადაადგილებული და სამოქალაქო პირებისთვის საჭირო დახმარების გაწევას. ასევე, მივესალმებით გრძელვადიანი პერსპექტივის მქონე  მშვიდობის დამყარების ეფექტიან პროცესს.

ჩვენ ვთხოვთ ჩვენს თანამოქალაქეებს, გვერდში დაგვიდგნენ უკრაინელი ხალხისადმი სოლიდარობის საკითხში და ნებისმიერი შესაძლო საშუალებით დაეხმარონ მათ“. 

ახალგაზრდა ევროპელი ელჩები ურთავენ, რომ ისინი უერთდებიან პროტესტს, ავრცელებენ ფაქტობრივ ინფორმაციას, აგროვებენ რესურსებს ომით დაზარალებული ადამიანებისთვის გასაგზავნად და მოუწოდებენ თავიანთ მთავრობებს მეტის გაკეთებისკენ. გარდა ამისა, ახალგაზრდა ევროპელი ელჩები სთხოვენ ახალგაზრდებს და ახალგაზრდულ ქსელებს, გაავრცელონ ეს განცხადება მათი თანატოლების მხარდასაჭერად.

ახალგაზრდა ევროპელი ელჩების ინიციატივა წარმოადგენს არაპოლიტიკურ, ნებაყოფლობით, ქმედით საკომუნიკაციო ქსელს. ის ხელს უწყობს მეგობრული კავშირების დამყარებას აზერბაიჯანის, ბელარუსის, მოლდოვის რესპუბლიკის, საქართველოს, სომხეთის, უკრაინის ახალგაზრდებსა და მათ თანატოლებს შორის ევროკავშირის წევრ სახელმწიფოებსა და გაერთიანებულ სამეფოში. 

ქსელის მიზანია საზოგადოების უკეთ ინფორმირება ევროკავშირის თანამშრომლობის შესახებ მის აღმოსავლეთ პარტნიორ ქვეყნებთან, ამ თანამშრომლობის რეალური შედეგების დემონსტრირება, სხვადასხვა საკითხზე პოლიტიკური დიალოგის ხელშეწყობა, სამოქალაქო აქტივიზმის განვითარების მხარდაჭერა და ერთობლივი საქმიანობა უკეთესი მომავლისთვის.

დამატებითი ინფორმაცია

პრესრელიზი



თემაზე

ევროკავშირის და დიდი შვიდეულის სპეციალურმა ჯგუფმა რუსეთის სანქცირებულ მოქალაქეებს 30 მილიარდი დოლარის ქონება გაუყინა
ივლისი 1, 2022

ევროკავშირის და დიდი შვიდეულის სპეციალურმა ჯგუფმა რუსეთის სანქცირებულ მოქალაქეებს 30 მილიარდი დოლარის ქონება გაუყინა

ევროკავშირი, EBRD და გერმანია საქართველოს სკოლების რეაბილიტაციას ეხმარებიან
ივლისი 1, 2022

ევროკავშირი, EBRD და გერმანია საქართველოს სკოლების რეაბილიტაციას ეხმარებიან

დიდი შვიდეულის ლიდერები პუტინის რეჟიმზე და ბელარუსში მის მოკავშირეებზე ეკონომიკურ და პოლიტიკურ ზეწოლას გააძლიერებენ 
ივნისი 30, 2022

დიდი შვიდეულის ლიდერები პუტინის რეჟიმზე და ბელარუსში მის მოკავშირეებზე ეკონომიკურ და პოლიტიკურ ზეწოლას გააძლიერებენ 

საქართველოში ევროკავშირის წარმომადგენლობა ქვეყნის ევროპული პერსპექტივის შესახებ თქვენს კითხვებს უპასუხებს
ივნისი 30, 2022

საქართველოში ევროკავშირის წარმომადგენლობა ქვეყნის ევროპული პერსპექტივის შესახებ თქვენს კითხვებს უპასუხებს

ახალგაზრდები ჯანმრთელი და დემოკრატიული საზოგადოებისთვის: წაიკითხეთ ახალგაზრდა ევროპელი ელჩების ჟურნალის მეორე გამოცემა 
ივნისი 29, 2022

ახალგაზრდები ჯანმრთელი და დემოკრატიული საზოგადოებისთვის: წაიკითხეთ ახალგაზრდა ევროპელი ელჩების ჟურნალის მეორე გამოცემა 


გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის B&S ევროპის კონსორციუმი.

ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით.
© European Union,