«EU4Digital» նախաձեռնությունը նպատակ ունի Եվրոպական միության միասնական թվային շուկան ընդլայնել դեպի Արևելյան գործընկերության երկրներ` զարգացնելով թվային տնտեսության և հասարակության ներուժը` տնտեսական աճի ապահովման, ավելի շատ աշխատատեղերի ստեղծման, մարդկանց կյանքի որակի բարելավման և գործարարությանն աջակցելու նպատակով: Նախաձեռնության միջոցով ԵՄ-ն աջակցում է ռոումինգի սակագների իջեցմանը, գերարագ լայնաշերտ կապի զարգացմանը՝ տնտեսական խթանման և էլեկտրոնային ծառայությունների ընդլայնման նպատակով, համակարգված կիբերանվտանգությանն ու հասարակությունում թվային կառուցակարգերի ներդաշնակեցմանը՝ լոգիստիկայից մինչև առողջապահություն, հմտությունների բարելավմանը և թվային ոլորտում աշխատատեղերի ստեղծմանը:

Ծրագրի ընդհանուր նպատակն է վերացնել համաեվրոպական առցանց ծառայությունների համար առկա խոչընդոտներն ու պատնեշները քաղաքացիների, պետական կառավարման մարմինների և բիզնեսների համար, այդ թվում՝ ԱլԳ գործընկեր երկրների շրջանում ու Եվրամիության հետ թվային միջավայրերի ներդաշնակեցման միջոցով:

Ծրագիրն իր աջակցությունը կենտրոնացնում է վեց առանցքային քաղաքական ուղղություններով.
Հեռահաղորդակցության կարգավորումներ.
Ծրագիրն աջակցում է մինչև 2020 թվականը ԱլԳ երկրներում ընդհանուր ռոումինգի տարածություն ունենալու, ազգային կարգավորող մարմինների անկախության ամրապնդման և հաճախությունների բաշխման համար համակարգված ռազմավարությունների մշակման ջանքերին:
Վստահություն և անվտանգություն.
«EU4Digital»-ն հույժ կարևոր ենթակառուցվածքների կայունության ապահովման նպատակով Արևելյան գործընկերության տարածաշրջանում աջակցում է թվային տնտեսությունում վստահության ծառայություններիզարգացմանն ու կիբեռանվտանգությանը, որոնք անկյունաքարային նշանակություն ունեն փոխգործունակ միջսահմանային էլեկտրոնային ծառայությունների համար:
Էլեկտրոնային առևտուր.
Ծրագիրն աջակցում է Արևելյան գործընկեր երկրների շրջանում, ինչպես նաև ԵՄ-ի հետ վերջիններիս առևտրի դյուրացմանն ու ներդաշնակեցմանը՝ խթանելով էլեկտրոնային կոմերցիայի, մաքսային էլեկտրոնային ծառայությունների և էլեկտրոնային լոգիստիկայի ընդհանուր կառուցակարգերին, ինչպես նաև՝ աշխատելով թվային տրանսպորտային միջանցքների ուղղությամբ:
ՏՎՏ նորարարություն.
«EU4Digital»-ն աջակցում է Արևելյան գործընկերության տարածաշրջանի ՏՀՏ հետազոտությունների, ստարտափների և նորարարական էկոհամակարգերի զարգացմանն ուղղված բարեփոխումներին ու գործողություններին՝ հիմնվելով ԵՄ փորձի և լավագույն փորձառությունների վրա:
Էլեկտրոնային առողջապահություն.
Ծրագիրն աջակցում է էլեկտրոնային առողջապահության ներդաշնակեցված ազգային կառուցակարգերիմշակմանն ինչպես ԱլԳ գործընկեր երկրների շրջանում, այնպես էլ՝ ԵՄ-ի հետ:
Էլեկտրոնային հմտություններ.
«EU4Digital»-ն աջակցում է Արևելյան գործընկերության երկրներում թվային հմտությունների ռազմավարությունների իրականացմանը՝ գործելով ի նպաստ թվային աշխատատեղերի ազգային կոալիցիաների և փոքր ձեռնարկությունների համար իրավասությունների շրջանակի ստեղծման: