ԵՄ աջակցությամբ իրականացվող «Կանայք բիզնեսում» ծրագիրը կանանց ղեկավարած փոքր և միջին ձեռնարկություններին օգնում է հասանելիություն ստանալ իրենց աճի համար անհրաժեշտ ֆինանսների և գիտելիքների նկատմամբ: ՎԶԵԲ-ը՝ բիզնեսների ավելի մրցունակ դառնալուն ուղղված գործարար խորհրդատվությունից զատ, ապահովում է նաև ֆինանսների հասանելիություն՝ տեղական բանկերին տրամադրվող կանանց ղեկավարած ՓՄՁ–ների զարգացման համար նախատեսված վարկային գծերի միջոցով։ Ծրագիրը նաև առաջարկում է ուսուցում, խորհրդատվություն և այլ աջակցություն, որը հնարավորություն կտա կին ձեռներեցներին կիսվել փորձառությամբ և սովորել միմյանցից:

Ծրագրի հատուկ նպատակն է խթանել կանանց ձեռներեցությունը և, ավելի լայն իմաստով, գործարար կյանքում կանանց մասնակցությունը՝ նրանց կողմից ղեկավարվող ձեռնարկություններին աջակցելով ֆինանսների հասանելիությամբ, ինչպես նաև գործարար խորհրդատվական ծառայություններ մատուցելով կանանց ղեկավարած ՓՄՁ-ներին:

- Աջակցել կանանց ղեկավարած ՓՄՁ-ներին ֆինանսների հասանելիության հարցում` դրանց կայուն աճի և աշխատատեղերի ստեղծման համար․
- Մշակել կանանց ղեկավարած ՓՄՁ-ների համար հարմար կայուն ֆինանսական պրոդուկտներ․
- Աջակցել կանանց ղեկավարած ՓՄՁ-ներին խորհրդատվության և գիտելիքների ձեռքբերման հարցում․
- Տրամադրել հիմնական ձեռնարկատիրական հմտությունների ուսուցում․
- Տրամադրել մենթորության և կապերի ընդլայնման սեմինարներ: