ՎԶԵԲ գրականության մրցանակ 2022. Արևելյան գործընկերության երկրները ներկայացնող հեղինակները նույնպես իրավասու են դիմել

Վերակառուցման և զարգացման եվրոպական բանկը (ՎԶԵԲ) Բրիտանական խորհրդի հետ համագործակցությամբ հայտարարել է 2022 թվականի ՎԶԵԲ գրականության մրցանակի համար հայտերի ընդունման մեկնարկի մասին:

Մրցանակը կտրվի գեղարվեստական գրականության լավագույն ստեղծագործության (ներառյալ մեկ հեղինակի պատմվածքների հավաքածուի) ինչպես գրողին, այնպես էլ թարգմանչին, որը բնօրինակով գրվել է ՎԶԵԲ գործունեության երկրներից մեկի (այդ թվում՝ Արևելյան գործընկերության երկրների) լեզվով և թարգմանվել անգլերեն:

Գիրքը պետք է առաջին անգամ տպագրված լինի եվրոպական (այդ թվում՝ բրիտանական) հրատարակչության կողմից՝ 2020 թվականի նոյեմբերի 15-ից մինչև 2021 թվականի նոյեմբերի 14-ն ընկած ժամանակահատվածում:

20,000 եվրոյի չափով առաջին մրցանակը հավասարապես կբաշխվի հաղթող հեղինակի և թարգմանչի միջև: Երկրորդ տեղը զբաղեցրած երկու գրքերը կստանան 4000-ական եվրո մրցանակ, որը նույնպես հավասարապես կբաշխվի հեղինակի և թարգմանչի միջև:

Հրատարակիչների համար դիմումների ընդունման վերջնաժամկետն է 2021 թվականի նոյեմբերի 30-ը:

Իմանալ ավելին

Հայտարարություն

«Վարշավայի արքան» շահել է 2021թ. ՎԶԵԲ գրականության մրցանակը, իսկ Վրաստանը ներկայացնող հեղինակը եզրափակիչ անցածների թվում է