#StandWithUkraine. կամավորության հնարավորություն Գերմանիայի Մագդեբուրգ քաղաքում՝ ուկրաինացի փախստականներին աջակցելու համար

Մագդեբուրգի Եվրոպական երիտասարդական կրթական կենտրոնը շտապ փնտրում է 15 կամավորների եվրոպական և արևելյան գործընկերության մի շարք երկրներից (Հայաստան, Ադրբեջան, Բելառուս, Վրաստան, Մոլդովա, Ուկրաինա)՝ 2022 թվականի գարնանը իր կամավորական թիմին միանալու համար։

Կամավորները պետք է լինեն 18-30 տարեկան, խոսեն ուկրաիներեն և/կամ ռուսերեն լեզուներով, պատրաստ լինեն երկու ամիս աշխատել Ուկրաինայից ժամանած փախստականների հետ և աջակցել նրանց: Նրանք կաշխատեն թիմով, որպեսզի օգնեն կազմակերպել Եվրոպական երիտասարդական կրթական կենտրոնում և Մագդեբուրգում ապաստանած փախստականների առօրյա կյանքը:

Կեցության, սննդի և ճանապարհորդության հետ կապված ծախսերը հոգում է կազմակերպիչ կողմը:

Սույն կամավորական գործողությունը կազմակերպվում է Եվրոպական համերաշխության կորպուսի շրջանակներում։ Եվրոպական համերաշխության կորպուսը ԵՄ ծրագիր է, որը նախատեսված է երիտասարդների համար, ովքեր ցանկանում են համերաշխության գործունեություն ծավալել տարբեր ոլորտներում՝ սկսած անապահով մարդկանց օգնությունից մինչև առողջապահական և բնապահպանական գործողություններին նպաստելը ԵՄ-ում և դրա սահմաններից դուրս:

Իմացիր ավելին և դիմիր

Վերջնաժամկետը՝ 18/03/2022