Հայաստան. վտանգավոր թափոնների կառավարմանն ուղղված նորարարական դրամաշնորհների հայտամրցույթ

Մեկնարկում է նորարարական դրամաշնորհների հայտամրցույթ՝ ԵՄ ֆինանսական աջակցությամբ իրականացվող «Երևան, Վարշավա, Տիրանա մայրաքաղաքների համագործակցությունը վտանգավոր թափոնների կառավարման ընդհանուր մարտահրավերների շուրջ» ծրագրի շրջանակում: Դրամաշնորհների նպատակն է ներմուծել քաղաքային թափոնների կառավարման և կենցաղային վտանգավոր թափոնների կառավարման նորարար և խելացի լուծումներ:

Դրամաշնորհները բաց են ՓՄՁ-ների, գիտահետազոտական և/կամ զարգացման հաստատությունների և բարձրագույն ուսումնական հաստատությունների համար, որոնք ցանկանում են մշակել քաղաքային թափոնների կառավարման և կենցաղային վտանգավոր թափոնների կառավարման նոր և հնարամիտ լուծումներ:

ԵՄ-ը կտրամադրի ֆինանսավորում ընտրություն անցած գործողությունների ընդհանուր արժեքի 90%-ի չափով։ Առաջարկվող գործողությունների բյուջեները՝ 25-ից մինչև 45 հազար եվրո:

Դիմումների ընդունման վերջնաժամկետն է 2023 թվականի ապրիլի 7-ը

Բոլոր հետաքրքրված դիմորդները հրավիրվում են գրանցվելու և մասնակցելու 2023 թվականի մարտի 10-ին կայանալիք տեղեկատվական առցանց հանդիպմանը:

Իմացիր ավելին

Մամուլի հաղորդագրություն

Հայտամրցույթի ուղեցույց