Հայաստան. Փակ հաստատություններում COVID-19-ի ազդեցությունը մշտադիտարկելու համար դրամաշնորհի հնարավորություն

Նիդերլանդների հելսինկյան կոմիտեն (ՆՀԿ) մեկնարկել է «COVID-19 համերաշխության ծրագիր 2020-2022թթ.՝ կալանավայրերում և հոգեկան առողջության հաստատություններում COVID-19-ի վերաբերյալ դրամաշնորհի հնարավորություն» տարածաշրջանային ծրագիրը` Եվրոպական միության ֆինանսական աջակցությամբ, ինչպես նաև «People in Need» կազմակերպության և «AFEW» հիմնադրամի հետ համագործակցությամբ։ 

Սույն ծրագիրը կաջակցի քաղաքացիական հասարակության կազմակերպություններին (ՔՀԿ-ներին)՝ արձագանքելու Արևելյան գործընկերության երկրներում COVID-19 համավարակի անմիջական և երկարաժամկետ հետևանքներին: 

Սույն ծրագրի շրջանակներում ՆՀԿ-ն, համագործակցելով Մարդու իրավունքները հոգեկան առողջության ոլորտում՝ Հոգեբուժության ոլորտում գլոբալ նախաձեռնության ֆեդերացիայի հետ, նպատակ ունի դրամաշնորհներ տրամադրել ՔՀԿ-ներին՝ Հայաստանում գտնվող քրեակատարողական հաստատություններում, կալանավայրերում և/կամ նախնական կալանքի վայրերում COVID-19-ի կանխարգելման և բուժման միջոցառումների ազդեցությունը մշտադիտարկելու նպատակով։ Սա ներառում է թեմաների ամբողջ շրջանակը, ներառյալ՝ առողջապահությունը, փաստաբանների, հարազատների կամ մտերիմների հետ շփումը, պատվաստումը և մարդու հիմնարար այլ վերաբերելի իրավունքները:

Հայտերի ներկայացման վերջաժամկետը դեկտեմբերի 19-ն է։

Իմացիր ավելին՝

Մամուլի հաղորդագրություն

Դիմել