Էներգետիկ համայնքի ամառային դպրոց 2023-ի համար դիմումների ընդունումն արդեն սկսված է

Էներգետիկ համայնքի ամառային դպրոց 2023-ն ընդունում է մինչև 48 հետբուհական ուսանող և երիտասարդ մասնագետ՝ էներգետիկ անցման մասին խորը գիտելիքներ ձեռք բերելու համար: Ամառային դպրոցը տեղի կունենա 2023 թվականի օգոստոսի 19-ից 26-ը Սերբիայում՝ Բելգրադի համալսարանի քաղաքագիտության ֆակուլտետում:

Դիմելու իրավասություն ունեն Հայաստանը, Ադրբեջանը, Վրաստանը, Մոլդովան և Ուկրաինան ներկայացնող ուսանողները: Մասնակցությունն անվճար է։

Ամառային դպրոցը նախատեսված է բարձր մոտիվացիա ունեցող հետբուհական ուսանողների (մագիստրոսներ կամ ասպիրանտներ), էներգետիկայի հետ կապված բոլոր դիսցիպլինների գիտաշխատողների, պետական հաստատություններում, մասնավոր ընկերություններում, վերլուծական կենտրոններում, ՀԿ-ներում և այլ համապատասխան ոլորտներում աշխատող երիտասարդ մասնագետների համար: Այս տարվա ամառային դպրոցի ծրագիրը շուտով կհրապարակվի առցանց։

Դիմելու վերջնաժամկետը մարտի 31-ն է։

2023 թվականի ամառային դպրոցը կազմակերպվում է Վիշեգրադի հիմնադրամի, Ֆրիդրիխ Էբերտ հիմնադրամի «Dialogue Southeast Europe» նախաձեռնության (FES SOE) և Բելգրադի համալսարանի քաղաքագիտության ֆակուլտետի համագործակցությամբ:

Իմացիր ավելին

Մամուլի հաղորդագրություն