ԵՄ-ն հանուն կանանց և տղամարդկանց իրավահավասարության. հայտամրցույթ՝ արևելյան գործընկեր երկրների ՔՀԿ-ների համար

Եվրոպական միության կողմից ֆինանսավորվող և ՄԱԿ-ի Գենդերային հավասարության և կանանց հզորացման կառույցի ու ՄԱԿ-ի Բնակչության հիմնադրամի կողմից Արևելյան գործընկերության 6 երկրներում իրականացվող «ԵՄ-ն հանուն կանանց և տղամարդկանց իրավահավասարության. միասին ընդդեմ գենդերային կարծրատիպերի և բռնության» ծրագիրը մեկնարկում է քաղաքացիական հասարակության կազմակերպությունների (ՔՀԿ) համար նախատեսված հայտամրցույթ:

Սա հայտամրցույթի երկրորդ փուլն է, որն ուղղված է Հայաստանի, Ադրբեջանի, Բելառուսի, Վրաստանի, Մոլդովայի և Ուկրաինայի քաղաքացիական հասարակության կազմակերպություններին, որոնք նպաստում են գենդերային հավասարությանը, կանանց հզորացմանը, գենդերային բռնության կանխարգելմանը և դրա դեմ պայքարին:

Ակնկալվում է, որ ներկայացվելիք հայտերը կառաջարկեն 2020թ.-ին հայտարարված առաջին փուլի նախաձեռնությունների շարունակություն կամ նոր նախաձեռնություններ, որոնք կնպաստեն գենդերային կարծրատիպերի և անբարենպաստ սոցիալական նորմերի՝ որպես գենդերային անհավասարության և դրա ամենատարածված ձև համարվող կանանց նկատմամբ բռնության հիմնական պատճառների հաղթահարմանն ու դրանց դեմ պայքարին:

Առաջարկվող գործողության բյուջեն պետք է լինի 15,000-ից 80,000 ԱՄՆ դոլար միջակայքում:

Հայտերի ներկայացման վերջնաժամկետը սեպտեմբերի 8-ն է:

Իմացիր ավելին

Մամուլի հաղորդագրություն