Դրամաշնորհներ խտրականության զոհերին աջակցող ՔՀԿ-ների համար. ընդունվում են հայտեր

Եվրոպայի խորհուրդը ԵՄ կողմից ֆինանսավորվող «Գործընկերություն հանուն լավ կառավարման» ծրագրի շրջանակում հայտարարել է Հայաստանում, Ադրբեջանում, Մոլդովայում և Ուկրաինայում խտրականության, ատելություն սերմանող խոսքի և ատելության հիման վրա կատարված հանցագործությունների զոհերին աջակցելուն ուղղված ազգային և տեղական ծրագրերի համաֆինանսավորման հայտամրցույթ։

Դրամաշնորհները քաղաքացիական հասարակության կազմակերպություններին կտրվեն ԵՄ–ԵԽ համատեղ «Գործընկերություն հանուն լավ կառավարման» ծրագրի և դրա «Արդարադատության մատչելիության խթանում Արևելյան գործընկերության երկրներում խտրականության, ատելության հիմքով կատարվող հանցագործությունների և ատելություն սերմանող խոսքի զոհերի համար» տարածաշրջանային ծրագրի շրջանակներում։

Ներկայացվող ծրագրային առաջարկները կարող են ներառել այնպիսի գործողություններ, ինչպիսիք են կարողությունների զարգացումը, իրազեկության բարձրացման կամ տեղեկատվական նյութերի մշակում, խտրականության, ատելություն սերմանող խոսքի կամ ատելության հիման վրա կատարված հանցագործությունների զոհերին անմիջական օգնություն, համայնքային գործողություններ և այլն: Ցանկալի է, որպեսզի ծրագրերն ունենան գենդերային ուղղվածություն, օրինակ` թիրախավորեն խոցելի համայնքների կանանց։

Եվրոպայի խորհուրդը մտադիր է տրամադրել մինչև հինգ դրամաշնորհ՝ յուրաքանչյուրը առավելագույնը 19,000 եվրո բյուջեով:

Հայտերի ներկայացման վերջնաժամկետը ս․թ․ հոկտեմբերի 3-ն է։

Իմացիր ավելին

Մամուլի հաղորդագրություն