Դրամաշնորհային մրցույթ խոցելի մարդկանց սոցիալական ծառայությունների մատուցման բարելավմանը նպաստող հայաստանյան ՀԿ-ների համար

ԵՄ ֆինանսավորմամբ Հայաստանում իրականացվող ծրագիրը հայտարարում է դրամաշնորհային մրցույթ խոցելի մարդկանց սոցիալական ծառայությունների մատուցման ոլորտում փորձ ունեցող հասարակական կազմակերպությունների համար:

Մրցույթը նպատակ ունի աջակցել տեղական ՔՀԿ-ներին ներդնելու, փորձարկելու, ընդլայնելու և/կամ բարելավելու բնակչության աղքատ, խոցելի և մարգինալացված խմբերին տրամադրվող տեղական սոցիալական ծրագրերի առաջնահերթությունների հետ համադրելի համայնքահեն սոցիալական ծառայություններն Ախուրյան, Գյումրի, Իջևան, Նոյեմբերյան, Արմավիր, Մեծամոր, Գորիս, Սիսիան և Տաթև համայնքներում:

Հայտ կարող են ներկայացնել Հայաստանում գրանցված և մարզերում գործունեություն ծավալող, սոցիալական ծառայությունների մատուցման ոլորտում փորձ ունեցող հասարակական կազմակերպությունները:

Հայտերը ներկայացնելու վերջնաժամկետն է 2022թ. օգոստոսի 29-ը։

Մրցույթը հայտարարվել է «Ամուր տեղական գործընկերություն և կարող ՔՀԿ-ներ ի նպաստ Հայաստանում ներառական սոցիալական պաշտպանության և հաշվետու համայնքների» ծրագրի շրջանակում և անցկացվում է Հայաստանի սոցիալական աշխատողների ասոցիացիայի կողմից՝ «Հիլֆսվերկ Ինթերնեյշնլ» կազմակերպության, «Գործընկերություն և ուսուցում» ՀԿ-ի և «Ընտանիք և համայնք» ՀԿ-ի հետ գործակցությամբ։

Իմացիր ավելին

Մամուլի հաղորդագրություն