Դիմեք քաղաքացիական հասարակության կրթաթոշակների համար և ստացեք 5000 եվրո՝ ի աջակցություն ձեր գործունեության

Դիմեք քաղաքացիական հասարակության կրթաթոշակների համար և ստացեք 5000 եվրո՝ ի աջակցություն ձեր գործունեության


Արևելյան գործընկերության Քաղաքացիական հասարակության հիմնադրամը մեկնարկել է ԵՄ-ի կողմից ֆինանսավորվող իր կրթաթոշակային ծրագրի նոր փուլը՝ փնտրելով քաղաքացիական հասարակության ակտիվիստների կամ քաղաքացիական մտածողությամբ կանանց և տղամարդկանց Հայաստանից, Ադրբեջանից, Բելառուսից, Վրաստանից, Մոլդովայից և Ուկրաինայից՝ միանալու իր Քաղաքացիական հասարակության կրթաթոշակների ցանցին:

Կրթաթոշակների հիմնական նպատակն է աջակցել նրանց, ովքեր խորը նվիրվածություն են դրսևորում իրենց համայնքներում դրական սոցիալական փոփոխություններ առաջ տանելու գործում՝ զարգացնելով կրթաթոշակառուների կարողությունները՝ կառուցողականորեն համագործակցելու իրենց համայնքների և իշխանությունների հետ և նպաստելու ԱլԳ երկրներում բարեփոխումներին:

Ընտրված թեկնածուներին կտրամադրվի անհատական ուսուցում և հրահանգում, 5000 եվրո՝ գործողությունների իրականացման համար, ինչպես նաև կապերի ընդլայնման հնարավորություններ:

Սույն հայտերի ընդունման հրավերի շրջանակներում տրամադրվում են երկու տեսակի կրթաթոշակներ. համայնքային ակտիվության կրթաթոշակներ և «թվային» կրթաթոշակներ (նախատեսված են հատուկ ՏՏ մասնագետների համար, ինչպիսիք են ծրագրային ապահովման ինժեներները, տվյալագետները, դիզայներները, ովքեր տեխնոլոգիաներն օգտագործում են հօգուտ համայնքի):

Սույն հրավերը բաց է Արևելյան գործընկերության երկրների 18 տարեկանից բարձր բոլոր քաղաքացիների համար, ովքեր ունեն անգլերենի լավ մակարդակի իմացություն:

Հայտերի ընդունման վերջնաժամկետը 2022 թվականի հունվարի 17-ն է:

Արևելյան գործընկերության Քաղաքացիական հասարակության կրթաթոշակային ծրագիրը 2017 թվականից ի վեր ամեն տարի ընտրում է 20 երիտասարդ քաղաքացիական հասարակության ակտիվիստի և/կամ առաջնորդի: Ծրագիրն այժմ ընդլայնել է իր գործունեությունը և առաջիկա երեք տարիների ընթացքում պատրաստվում է աջակցել ևս 120 կրթաթոշակառուների:

Իմացիր ավելին

Հայտարարություն

Հայտի ներկայացում

ՎԵՐՋՆԱԺԱՄԿԵՏ՝

17 Հունվարի, 2022

ՀՆԱՐԱՎՈՐՈՒԹՅԱՆ ՏԵՍԱԿ




Հետաքրքրվա՞ծ եք վերջին նորություններով ու հնարավորություններով

Այս կայքը կառավարվում է 2020-2024թթ. համար Եվրամիության կողմից ֆինանսավորվող Արևելյան հարևանության տարածաշրջանային հաղորդակցության ծրագրի («ԵՄ արևելյան հարևաններ») կողմից: Ծրագիրը լրացնում և աջակցում է գործընկեր երկրներում ԵՄ պատվիրակությունների հաղորդակցական գործունեությանն ու աշխատում է Եվրոպական հանձնաժողովի Հարևանության քաղաքականության և ընդլայնման բանակցությունների գլխավոր տնօրինության ու ԵՄ արտաքին գործողությունների ծառայության ղեկավարության ներքո: Ծրագիրն իրականացնում է B&S Europe-ի գլխավորած կոնսորցիումը:

Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© Եվրոպական միություն,