ՄՇԱԿՈՒԹԱՅԻՆ ԵՎ ՍՏԵՂԾԱՐԱՐ ՃՅՈՒՂԵՐԻ ԶԱՐԳԱՑՈՒՄԸ ՀԱՅԱՍՏԱՆՈՒՄ

Արդեն ավելի քան մեկ տասնամյակ է, ինչ մշակութային եւ ստեղծարար ճյուղերը (ՄՍՃ-ները) ԵՄ-ի կողմից ճանաչվել ու ներառվել են նրա քաղաքականության փաստաթղթերում ու ծրագրերում: Սույն զեկույցում ներկայացված է մշակութային ու ստեղծարար ճյուղերի ընդհանուր պատկերը ԵՄ-ի Արեւելյան գործընկերության վեց երկրներում՝ Հայաստանում, Ադրբեջանում, Բելառուսում, Վրաստանում, Մոլդովայում եւ Ուկրաինայում, սակայն ամենակարեւորն այն է, որ այստեղ ներկայացված է կոնկրետ երկրի համար տեղայնացված՝ Հայաստանում ՄՍՃ-ների հետ կապված մարտահրավերների ու նպատակային առաջարկությունների վերաբերյալ ամփոփ նկարագրություն: