Հայկական ընկերությունները նոր միջոցներ կստանան ՎԶԵԲ-ից և ԵՄ-ից
Վերակառուցման և զարգացման եվրոպական բանկը (ՎԶԵԲ) Ակբա բանկին կտրամադրի 25 միլիոն ԱՄՆ դոլարի ֆինանսական փաթեթ՝ խթանելու միկրո, փոքր և միջին ձեռնարկությունների (ՓՄՁ-ներ) և կանանց կողմից ղեկավարվող ընկերությունների վարկավորումը ողջ Հայաստանում:
25 մլն ԱՄՆ դոլարի ֆինանսական փաթեթի մասին համաձայնագիրը ստորագրել են Ակբա բանկի գործադիր տնօրեն Հակոբ Անդրեասյանը և ՎԶԵԲ-ի նախագահ Օդիլ Ռենո-Բասոն՝ Հայաստան վերջինիս կատարած այցի ընթացքում։
Այս փաթեթից 7 մլն ԱՄՆ դոլարը Ակբա բանկը կստանա EU4Business-ՎԶԵԲ վարկային գծի շրջանակներում, որն օգնում է տեղական ընկերություններին դառնալ ավելի մրցունակ՝ բարելավելով իրենց արտադրողականությունը, ներդրումներ կատարելով կանաչ տեխնոլոգիաներում և բարձրացնելով իրենց ապրանքների և ծառայությունների որակը:
Եվս 4 միլիոն ԱՄՆ դոլար կտրամադրվի «Կանայք բիզնեսում» (WiB) ծրագրին, որը նպաստում է կանանց մասնակցությունը բիզնեսում՝ խթանելով ֆինանսների և գիտելիքների հասանելիությունը:
Մնացած 14 միլիոն ԱՄՆ դոլարը կուղղվի տեղական ՓՄՁ-ների հետագա զարգացմանը և կօգնի Ակբա բանկին ընդլայնել իր վարկային պորտֆելը:
Ֆինանսավորումը հասանելի կլինի ԱՄՆ դոլարով և/կամ ՀՀ դրամով` դրանով իսկ պաշտպանելով վարկառուներին արտարժույթի հետ կապված ռիսկերից:
Իմացիր ավելին
ԱՄԵՆԱԿԱՐԴԱՑԱԾ
ԱՌՆՉՎՈՂ ԹԵՄԱՆԵՐ
Եվրոպական միությունը Հայաստանում մեկնարկում է հոգեկան առողջությանը նվիրված նոր նախաձեռնություն
Ո՛չ, ժամանակը Ռուսաստանի օգտին չի աշխատում. Բորելը կանխատեսում է Ռուսաստանի տնտեսության անկում պատերազմի եւ ԵՄ պատժամիջոցների պատճառով
ԵՄ-ն ազդարարել է Հայաստանի համար 270 միլիոն եվրո բյուջեով «Դիմակայունություն եւ աճ» նոր ծրագրի մասին
Հայաստանում ներկայացվել են հանրային կառավարման նոր սկզբունքները
Մայիս–հունիս ամիսներին Հայաստանում կանցկացվեն 2024 թվականի Եվրոպայի օրվան նվիրված միջոցառումներ
Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© European Union,
