Հայաստանյան ՔՀԿ-ների վերաբերյալ հետազոտությունն ուշադրություն է հրավիրում ՔՀԿ-ների դեմ ատելության խոսքից, ճնշումներից եւ հարձակումներից պատշաճ պաշտպանության բացակայության նկատմամբ

«Թրանսփարենսի Ինթերնեշնլ հակակոռուպցիոն կենտրոնը» (ԹԻՀԿ) հրապարակել է «ՔՀԿ չափիչ Հայաստան-2022» զեկույցը, որն ամփոփում է Հայաստանում քաղաքացիական հասարակության կազմակերպությունների (ՔՀԿ) միջավայրի վերաբերյալ վերջին հետազոտության արդյունքները։

Ուսումնասիրությունն անցկացվել է Եվրոպական միության ֆինանսական օժանդակությամբ իրականացվող «ՔՀԿ չափիչ՝ նպաստավոր միջավայրի եւ ՔՀԿ-ների իրավազորման կողմնացույց» ծրագրի շրջանակներում։

Հետազոտությունը վեր է հանել ինչպես դրական, այնպես էլ բացասական զարգացումներ որոշումների կայացման գործընթացին մասնակցության, խոսքի ազատության, հավաքների ազատության, պետության կողմից պաշտպանության, գաղտնիության իրավունքի եւ թվային իրավունքների ոլորտներում:

Հետազոտության արդյունքների համաձայն՝ օրենսդրական բարելավումները փոքր-ինչ ավելացրել են խոսքի ազատության վարկանիշը, սակայն գործնական խնդիրները շարունակում են գոյություն ունենալ։

Զեկույցում նաեւ ասվում է, որ ատելության խոսքից, ճնշումներից եւ ՔՀԿ-ների դեմ հարձակումներից պատշաճ պաշտպանության բացակայությունը, ինչպես նաեւ գրանցման եւ հարկման հարցերում ՔՀԿ-ների եւ ձեռնարկությունների նկատմամբ անհավասար վերաբերմունքը շարունակում է մնալ խնդրահարույց: Խնդիրներ են նաեւ որոշումների կայացման գործընթացներին ՔՀԿ-ների մասնակցության արդյունավետությունը եւ ՔՀԿ-ների ֆինանսական կայունության համար խթանների բացակայությունը։

Զեկույցը հասանելի է անգլերեն եւ հայերեն լեզուներով։

Իմացիր ավելին

Մամուլի հաղորդագրություն