Հայաստանում իր գործունեությունն է սկսում ԵՄ ֆինանսավորմամբ Artbox Entrepreneur աքսելերատոր ծրագիրը

Փետրվարի 21-ին Հայաստանում պաշտոնապես մեկնարկել է Artbox Entrepreneur աքսելերատոր ծրագիրը, որին մասնակցելու համար ընտրվել են 24 արվեստեգտներ։

Ընտրված արվեստագետները կարիերայի խթանման 8-շաբաթյա ծրագրի շրջանակում կհանդիպեն ակնառու մենթորների՝ զարգացնելու իրենց ստեղծարար կարիերան։

«Մշակույթը, ստեղծարարությունը և ձեռնարկատիրությունը բարգավաճող հասարակության փոխկապակցված և կարևոր բաղադրիչներն են, հասարակության, որը խթանում է նորարարությունը, տնտեսական աճը և սոցիալական առաջխաղացումը։ ԵՄ-ը բոլոր ստեղծարարներին մաղթում է հաջողություն և ոգեշնչում իրենց նոր ձեռնարկներում», – ասված է Հայաստանում ԵՄ պատվիրակության ֆեյսբուքյան էջում։

Artbox-ը ստեղծվել է Creative Armenia-ի կողմից և իրականացվում է Հայաստանում Եվրոպական միության ֆինանսավորմամբ և ՀԲԸՄ Հայաստանի հետ համագործակցությամբ «Կատապուլտ» ստեղծարար ակսելերացիոն ծրագրի շրջանակներում:

Իմացիր ավելին

Մամուլի հաղորդագրություն