EU4Digital-ն էլեկտրոնային կոմերցիայի ոլորտում պիլոտային ծրագիր է գործարկում

EU4Digital-ը գործարկել է տվյալների փոխանակման պիլոտային գործողություն, որը կնպաստի միջազգային էլեկտրոնային կոմերցիայի ամրապնդմանը, դրա թույլ կողմերի վերացմանը և վաճառքների ավելացմանը: Ծրագրում ներգրավվել են Արևելյան գործընկերության երկրներում մանրածախ առևտրով զբաղվողներ, առևտրային հարթակներ, առաքման օպերատորներ և մաքսային մարմիններ: Վրաստանում էլ հատուկ ուշադրություն է դարձվում կանանց կողմից ղեկավարվող ընկերություններին:

Պիլոտային ծրագրի շրջանակներում Հայաստանում, Ադրբեջանում և Վրաստանում ստեղծվել են ազգային վիրտուալ պահեստներ, որտեղից ապրանքները տեղադրվում են Գերմանիայի էլեկտրոնային կոմերցիոն հարթակներում: Էլեկտրոնային կոմերցիայի համակարգի միջոցով այդ երկրում իրենց ապրանքները կարողացել են վաճառել արդեն իսկ չորս ընկերություն. ձեռագործ փայտե պարագաների վաճառքով զբաղվող ընկերություն՝ Ադրբեջանից, մանկական հագուստի և էկոլոգիապես մաքուր նվերների արտադրող երկու ձեռնարկություն՝ Վրաստանից (երկուսն էլ ղեկավարում են կանայք) ​​և գուլպաներ վաճառող ընկերություն՝ Հայաստանից:

Պիլոտային ծրագրի շրջանակներում ԱլԳ երկրները ներկայացնող ընկերությունները կիմանան նաև էլեկտրոնային կոմերցիայի համար ԱԱՀ-ի վերաբերյալ ԵՄ նոր դիրեկտիվի մասին, որն ուժի մեջ կմտնի 2021 թ. հուլիսի 1-ից: Դրա նպատակն է հավասար պայմաններ ստեղծել ձեռնարկատերերի համար ԵՄ-ում և նրա սահմաններից դուրս, ինչպես նաև կանխել հարկային զեղծարարությունները:

Իմացիր ավելին

Մամուլի հաղորդագրություն

Էլեկտրոնային կոմերցիայի ոլորտում EU4Digital-ի պիլոտային ծրագրի գաղափարն ու նպատակը