EU4Business. Գյումրիում կայացել է սահադաշտի եւ վերնիսաժի բացումը
7 Փետրվարի, 2023

EU4Business. Գյումրիում կայացել է սահադաշտի եւ վերնիսաժի բացումը


Գյումրիի Բարեկամության այգում փետրվարի 3-ին տեղի է  ունեցել «ԵՄ-ը՝ բիզնեսի համար» (EU4Business) ծրագրի աջակցությամբ կառուցված սահադաշտի և վերնիսաժի պաշտոնական բացումը։  

Պաշտոնական բացումն ուղեկցվել է մշակութային ծրագրով. ձմեռային խաղեր, ցուցահանդես-տոնավաճառ, վարպետության դասեր, սառցե շոու և այլն, որոնց մասնակցել են Գյումրի համայնքի բնակիչները, քաղաքի հյուրերն ու զբոսաշրջիկները։

815 քմ տարածք զբաղեցնող շարժական սահադաշտը հագեցած է ժամանակակից տեխնոլոգիաներով, հանդերձարաններով և անհրաժեշտ բոլոր պարագաներով։

Վերնիսաժը, որի 25 փայտյա տաղավարները կառուցվել են տեղի արհեստավորների կողմից, կծառայի որպես գյումրեցի վարպետների և արվեստագետների ձեռքի աշխատանքներն ու ստեղծագործությունները ներկայացնող մշտական ցուցահանդես-տոնավաճառ։ Վերնիսաժի ֆունկցիոնալ տաղավարները կարող են փոխել իրենց կառուցվածքն ու կիրառությունը` ըստ անհրաժեշտության դառնալով սննդի կետեր կամ շրջիկ պատկերասրահներ։

«Կասկած չունեմ, որ այս այգին Գյումրիում զբոսաշրջության կատալիզատոր է լինելու և նոր շունչ կհաղորդի Շիրակի մարզին։ Այս այգին պարզապես նոր հանրային վայր չէ Գյումրու համար: Այն վկայում է պատմությամբ և մշակույթով հարուստ այս գեղեցիկ քաղաքի վերածննդի մասին: Ես հպարտ եմ, որ Եվրոպական միությունն աջակցում է այս ծրագրին», — նշել է Հայաստանում Եվրոպական միության պատվիրակության ղեկավար Անդրեա Վիկտորինը։

Վերնիսաժի տաղավարների և սահադաշտի կառուցումն իրագործվել է «Զբոսաշրջության և քաղաքաշինության» (TUF) բարեգործական հիմնադրամի կողմից` «EU4Business» նախաձեռնության «Նորարարական տուրիզմի և տեխնոլոգիաների զարգացում Հայաստանի համար» ծրագրի աջակցությամբ, որը համաֆինանսավորվում է ԵՄ-ի ու ԳԴՀ ՏՀԶՆ-ի կողմից և իրականացվում Գերմանիայի միջազգային համագործակցության ընկերության (GIZ) կողմից։

Իմացիր ավելին

Մամուլի հաղորդագրություն



Հետաքրքրվա՞ծ եք վերջին նորություններով ու հնարավորություններով

Այս կայքը կառավարվում է 2020-2024թթ. համար Եվրամիության կողմից ֆինանսավորվող Արևելյան հարևանության տարածաշրջանային հաղորդակցության ծրագրի («ԵՄ արևելյան հարևաններ») կողմից: Ծրագիրը լրացնում և աջակցում է գործընկեր երկրներում ԵՄ պատվիրակությունների հաղորդակցական գործունեությանն ու աշխատում է Եվրոպական հանձնաժողովի Հարևանության քաղաքականության և ընդլայնման բանակցությունների գլխավոր տնօրինության ու ԵՄ արտաքին գործողությունների ծառայության ղեկավարության ներքո: Ծրագիրն իրականացնում է B&S Europe-ի գլխավորած կոնսորցիումը:


Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© European Union,