ԵՄ-ն օգնում է Հայաստանում կենսաբազմազանության պահպանմանը

Մարտի 17-ին Հայաստանում տեղի ունեցավ միջոցառում, որով տրվեց երկրում Էմերալդ ցանցի առաջխաղացման և Էմերալդ տարածքների կառավարման աշխատանքների սկիզբը։

Նշված աշխատանքներն իրականացվում են «ԵՄ-ն հանուն շրջակա միջավայրի» ծրագրի շրջանակներում՝ Համաշխարհային բանկի ֆինանսական աջակցությամբ՝ նպատակ ունենալով ապահովել բնական միջավայրերի երկարաժամկետ պահպանումը, պահպանել կենսաբազմազանությունը և խթանել մարդկանց ու շրջակա միջավայրի կայուն փոխգործակցությունը:

Ծրագրի գործունեությունը ենթադրում է Էմերալդ ցանցի զարգացմանն ուղղված Էմերալդ ազգային գործողությունների ծրագրի համար առաջարկությունների մշակում, Էմերալդ տարածքների կառավարման պլանների պատրաստման ուղեցույցների մշակում, ընտրված Էմերալդ տարածքների կառավարման պլանների մշակում և կարողությունների զարգացում:

Հանդիպումը հավաքել էր մասնակիցների տարբեր թիրախային խմբերից, այդ թվում՝ պետական մարմիններից, ակադեմիական շրջանակներից, ՀԿ-ներից, միջկառավարական կազմակերպություններից և այլ բնապահպանական կազմակերպություններից:

Էմերալդ ցանցը հատուկ պահպանության տարածքներից բաղկացած էկոլոգիական ցանց է, որը գործարկվել է Եվրոպայի խորհրդի կողմից և աջակցվում է Եվրոպական միության կողմից:

Իմացիր ավելին

Մամուլի հաղորդագրություն