«ԵՄ-ն հանուն կանանց և տղամարդկանց իրավահավասարության. բարեփոխումներին աջակցության պատուհան» ծրագիրը վերապատրաստում է Հայաստանի սոցիալական աշխատողներին
ՀՀ միասնական սոցիալական ծառայության 97 սոցիալական աշխատողներ մասնակցել են ԵՄ կողմից ֆինանսավորվող «ԵՄ-ն հանուն կանանց և տղամարդկանց իրավահավասարության. բարեփոխումներին աջակցության պատուհան» ծրագրի կազմակերպած երկու վերապատրաստման դասընթացներին։
2022 թվականի ապրիլ, մայիս և հունիս ամիսներին անցկացված «Գենդերային զգայունությունը սոցիալական աշխատանքում» և «Սոցիալական աշխատանքը բռնության դեպքերով» առցանց դասընթացները սոցիալական աշխատողներին օժտեցին նոր գիտելիքներով և հմտություններով՝ իրենց աշխատանքն ամրապնդելու համար: Մասնակցային և համահասանելի առցանց հանդիպումների միջոցով սոցիալական աշխատողները սովորեցին, թե ինչպես իրենց աշխատանքը դարձնել գենդերային առումով ավելի զգայուն, կանխել բռնության դեպքերը (ներառյալ գենդերային բռնությունը) և արձագանքել դրանց, ինչպես նաև գործերը ուղղորդել հետագա աջակցության համար:
«Մինչ այս դասընթացն անցնելը, երբ ես աշխատանքի բերումով այցելում էի բռնարար ընտանիքներ, չգիտեի, թե ինչպես վարվեմ։ Բայց հիմա ես ավելի վստահ եմ, թե ինչ ասել և ինչպես մոտենալ իրավիճակին, քանզի պատրաստվածությունս բոլորովին այլ է»,- նկատել է դասընթացի մասնակիցներից մեկը։
Այս տեսակի վերապատրաստման դասընթացները գտնվում են Եվրոպական միության կողմից ֆինանսավորվող և Niras-ի կողմից իրականացվող «ԵՄ-ն հանուն կանանց և տղամարդկանց իրավահավասարության. բարեփոխումներին աջակցության պատուհան» ծրագրի հիմքում: Ծրագիրը նպատակ ունի ապահովել արդյունավետ և հավասար արդյունքներ Արևելյան գործընկերության վեց երկրներում՝ Հայաստանում, Ադրբեջանում, Բելառուսում, Վրաստանում, Մոլդովայում և Ուկրաինայում կանանց և տղամարդկանց համար՝ ընդլայնելով գենդերային վերլուծության կիրառումը որոշումների կայացման և բարեփոխումների գործընթացներում: Այն ներառում է հանրային հատվածում կարողությունների զարգացումը՝ գենդերային հավասարությունը բոլորի համար իրականություն դարձնելու նպատակով:
Իմացիր ավելին
«ԵՄ-ն հանուն կանանց և տղամարդկանց իրավահավասարության. բարեփոխումներին աջակցության պատուհան» ծրագիր
ԱՄԵՆԱԿԱՐԴԱՑԱԾ
ԱՌՆՉՎՈՂ ԹԵՄԱՆԵՐ
Եվրոպական միությունը Հայաստանում մեկնարկում է հոգեկան առողջությանը նվիրված նոր նախաձեռնություն
Ո՛չ, ժամանակը Ռուսաստանի օգտին չի աշխատում. Բորելը կանխատեսում է Ռուսաստանի տնտեսության անկում պատերազմի եւ ԵՄ պատժամիջոցների պատճառով
ԵՄ-ն ազդարարել է Հայաստանի համար 270 միլիոն եվրո բյուջեով «Դիմակայունություն եւ աճ» նոր ծրագրի մասին
Հայաստանում ներկայացվել են հանրային կառավարման նոր սկզբունքները
Մայիս–հունիս ամիսներին Հայաստանում կանցկացվեն 2024 թվականի Եվրոպայի օրվան նվիրված միջոցառումներ
Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© European Union,
