Դոյչե Վելլե Ակադեմիա և ԲիԲիՍի. ԵՄ մեդիա նախագիծը դասընթացների շարք է անցկացնում հայ ֆոտո և վիդեոլրագրողների համար

ԵՄ-ի կողմից ֆինանսավորվող «Եվրոպական մեդիա հարթակ Հայաստանում» ծրագրի շրջանակներում ԲիԲիՍի Մեդիա Էքշնը նկարահանումների նորարարական մոտեցումների վերաբերյալ օֆլայն դասընթացների շարք է անցկացրել հայ լրագրողների համար։

«Հետք»-ի և «Ֆակտոր Թիվի»-ի լրագրողների համար նկարահանումների նորարարական մոտեցումների և վիդեոպատմությունների ստեղծման սկզբունքների վերաբերյալ դասընթացներն անցկացնում էր BBC-ի բազմակի մրցանակակիր վիդեոլրագրող և օպերատոր Ջոնի Ռադերֆորդը, ով հեռուստատեսային ոլորտում աշխատել է ավելի քան 30 տարի։

«Հետք»-ի վիդեո-ֆոտոլրագրող Անի Սարգսյանը նշում է, որ տվյալ դասընթացը կարևոր փորձառություն էր իր և իր գործընկերների համար. «Եռօրյա ակտիվ դասընթացի ընթացքում մենք մի-շարք կարևոր, նորարարական գործիքների մասին սովորեցինք։ Այս օրերի ընթացքում մենք ոչ միայն հասցրինք խոսել տեսական առանձնահատկությունների մասին, այլև իրականացրինք նկարահանումներ և մոնտաժային աշխատանքներ»։

«Եվրոպական մեդիահարթակ Հայաստանում. հուսալի և պրոֆեսիոնալ լրատվամիջոցների կառուցում» ծրագիրն իրականացվում է Դոյչե Վելլե Ակադեմիայի կողմից՝ ԲիԲիՍի Մեդիա Էքշնի, Բաց հասարակության հիմնադրամներ – Հայաստանի, «Հետք»-ի («Հետաքննող լրագրողներ» ՀԿ), և «Ֆակտոր ԹիՎի»-ի հետ համատեղ՝ Եվրոպական միության և Գերմանիայի Դաշնային Հանրապետության տնտեսական համագործակցության և զարգացման (BMZ) նախարարության ֆինանսավորմամբ։

Իմացիր ավելին