Մեկնարկել է Եվրոպական համերաշխության կորպուսի 2021-2027 թթ․ ծրագրային շրջափուլը

Նախորդ շաբաթ Եվրոպական հանձնաժողովը հայտարարեց Եվրոպական համերաշխության կորպուսի 2021-2027 թթ․ գործունեության շրջանակներում առաջին հայտամրցույթի մասին։ Նշված ժամանակահատվածի համար նախատեսված 1,009 միլիարդ եվրո բյուջեով նոր ծրագիրն առնվազն 270,000 երիտասարդների հնարավորություն կտա կամավորության կամ սեփական համերաշխության նախագծերի միջոցով հաղթահարել հասարակական և հումանիտար մարտահրավերները: Որոշ գործողություններ բաց են ԵՄ հարևանության գործընկեր երկրների համար:

Գործողության առաջին տարվա համար հասանելի է ավելի քան 138 միլիոն եվրո: Հրապարակվել են նաև առաջին տարեկան աշխատանքային ծրագիրը և 2021 թ․ ծրագրային ուղեցույցը:

Եվրոպական համերաշխության կորպուսի նոր փուլը սատարում է Եվրոպական միության քաղաքական գերակայություններին և դրանց ուղղված նախագծերում ներգրավում է կազմակերպությունների ու երիտասարդների: Ծրագիրը խթանում է ներառականությանն ու բազմազանությանը, ուղղված է ծրագրերում էկոլոգիական պրակտիկաների ներառմանը և խրախուսում է մասնակից անհատների ու կազմակերպությունների շրջանում էկոլոգիապես կայուն և պատասխանատու վարքը: Այն աջակցում է թվային անցմանը` թվային հմտություններն ու թվային գրագիտությունը խթանող նախագծերի և գործողությունների միջոցով:

Ծրագիրը նպաստում է նաև երիտասարդների մասնակցությանը ժողովրդավարական գործընթացներին և քաղաքացիական ակտիվությանը: Բացի այդ, նոր ծրագիրը հնարավորություն է տալիս սահմանել լրացուցիչ տարեկան գերակայություններ՝ հրատապ խնդիրներին լուծում տալու նպատակով: Այս տարվա լրացուցիչ թեմատիկ ոլորտը առողջապահությունն է:

Իմացիր ավելին

Մամուլի հաղորդագրություն

Հայտամրցույթ

Ծրագրային ուղեցույց

Տարեկան աշխատանքային ծրագիր