Իմացի՛ր քո իրավունքները. Հայաստանում Եվրոպական միության պատվիրակությունը պաստառների մրցույթ է կազմակերպում երեխաների համար

Հայաստանում Եվրոպական միության պատվիրակությունը 13-17 տարեկան երեխաներին հրավիրում է մասնակցել «ԵՄ-ն երեխաների համար․ իմացիր քո իրավունքները» պաստառների մրցույթին, որը կազմակերպվում է Երեխաների պաշտպանության միջազգային օրվա կապակցությամբ:

Պաստառը կարող է ձևավորված և նկարված լինել ձեռքով կամ թվային միջոցներով, կարող է լինել ցանկացած ոճի, պետք է ունենա վերնագիր և կարճ կարգախոս: Պաստառի լուսանկարը պետք է ուղարկել Հայաստանում ԵՄ պատվիրակության ֆեյսբուքյան էջին՝ օգտագործելով հետևյալ հեշթեգերը՝ #EU4Children, #KnowYourRights:

Պատվիրակությունն իր ֆեյսբուքյան էջում թվարկում է իրավունքների ցանկը (առողջություն իրավունքից մինչև խաղալու իրավունք), որոնք պաստառներում կարող են պատկերվել առանձին կամ ցանկացած համադրությամբ:

Հայտերի ներկայացման վերջնաժամկետը հունիսի 22-ն է: Հինգ լավագույն հեղինակները կպարգևատրվեն Հայաստանում ԵՄ դեսպան Անդրեա Վիկտորինի կողմից:

Բոլոր մասնակիցները կստանան ԵՄ տարբերանշանով նվերներ:

Իմացիր ավելին

Մամուլի հաղորդագրություն