ԵՄ կողմից ֆինանսավորվող ծրագիրը Հայաստանում կաջակցի էկո-ակումբներին և երիտասարդների շրջանում բնապահպանամետ վարքագծի խթանմանը

Երևանի քաղաքապետարանը հայտարարում է դրամաշնորհային մրցույթ՝ ԵՄ ֆինանսավորմամբ իրականացվող «Երևան, Վարշավա, Տիրանա մայրաքաղաքների համագործակցությունը վտանգավոր թափոնների կառավարման ընդհանուր մարտահրավերների շուրջ» ծրագրի շրջանակում:

Դրամաշնորհային հայտ կարող են ներկայացնել Երևան քաղաքում գործող հանրակրթական դպրոցները, ինչպես նաև համայնքային մանկապատանեկան ստեղծագործության կենտրոնները՝ էկո-ակումբների հիմնադրման և զարգացման միջոցով շրջակա միջավայրի պաշտպանությանն ուղղված ծրագրեր իրականացնելու համար:

Երևանի քաղաքապետարանի կողմից իրականացվող ծրագրի նպատակն է բարելավել վտանգավոր թափոնների կառավարումը՝ քաղաքացիների մասնակցության, լավագույն փորձի փոխանակման և տեղայնացման միջոցով։

Դրամաշնորհային մրցույթին մասնակցող յուրաքանչյուր ծրագրի ընդհանուր բյուջեն պետք է կազմի 1.3-ից 1.9 միլիոն ՀՀ դրամ, ներառյալ հայտատուի կողմից առնվազն 5 տոկոսի չափով համաֆինանսավորումը:

Հայտերը ներկայացնելու վերջնաժամկետ՝ 2021թ. հունիսի 15:

Իմացիր ավելին

Մամուլի հաղորդագրություն