ԱՊԱԳԱՆ ԱՅՍՕՐ. ԵՄ ֆինանսավորմամբ «Կոլբա լաբ» նախագիծը ՔՀԿ-ների համար հայտարարում է գաղափարների հատուկ մրցույթ՝ երիտասարդական նորարարական գաղափարներ ստեղծելու համար

Եվրոպական միության կողմից ֆինանսավորվող «ԱՊԱԳԱՆ ԱՅՍՕՐ. Կանանց, երիտասարդների և երեխաների հզորացում հանուն Հայաստանում ժողովրդավարության ամրապնդման» նախագծի շրջանակում ՄԱԶԾ Կոլբա լաբը քաղաքացիական հասարակության կազմակերպությունների (ՔՀԿ) հետ համագործակցության ակնկալիքով հայտարարում է գաղափարների հատուկ մրցույթ, որի նպատակն ապագայամետ գաղափարներ ստեղծելու և փորձարկելու համար երիտասարդ նորարարների խմբերի հավաքագրումն է:

Գաղափարների մրցույթին կարող են դիմել Հայստանում գործող ՔՀԿ-ները։ Ընտրված գաղափարը կստանա մինչև 8000 ԱՄՆ դոլար՝ առավելագույնը 4 ամսվա ընթացքում Հայաստանում ծրագրի պիլոտային փուլն իրականացնելու համար։

ՔՀԿ-ներից ակնկալվում է անհատական առաջարկներ ներկայացնել հետևյալ ուղղություններով՝

• Երիտասարդության ապագա. Կրթված և գիտահետազոտական գործունեության վրա հիմնված Հայաստան.
• Դիմակայունություն և քաղաքացիական պաշտպանություն.
• Ստեղծարար արդյունաբերություն. մասշտաբային ստեղծարար Հայաստան.
• Տաղանդների հանգույց Հայաստան:

Բոլոր դիմումները պետք է ուղղված լինեն լուծումների, որոնք կիրականացվեն Հայաստանում՝ միաժամանակ հնարավորություն տալով դրանք կիրառել տարածաշրջանում կամ աշխարհում:

Դիմում-հայտերի ներկայացման վերջնաժամկետը հունիսի 22-ն է:

Իմացիր ավելին

Մամուլի հաղորդագրություն

Դիմել

ԱՊԱԳԱՆ ԱՅՍՕՐ. Կանանց, երիտասարդների և երեխաների հզորացում հանուն Հայաստանում ժողովրդավարության ամրապնդման