ԵՄ-ն աջակցում է քրեական վարույթում դատավարական երաշխիքների և տուժողների իրավունքների վերաբերյալ դասընթացին
9 Ապրիլի, 2021

ԵՄ-ն աջակցում է քրեական վարույթում դատավարական երաշխիքների և տուժողների իրավունքների վերաբերյալ դասընթացին


Հայաստանցի դատավորների, դատախազների և քննիչների առաջին խումբն ավարտել է քրեական վարույթում դատավարական երաշխիքների և տուժողների իրավունքների վերաբերյալ հեռավար դասընթացը, որը կազմակերպվել է ԵՄ կողմից ֆինանսավորվող քրեական արդարադատության բարեփոխումների ծրագրի շրջանակներում:

Ութ շաբաթ տևողությամբ ուսումնական ծրագիրը թարգմանվել ու հարմարեցվել է Հայաստանի իրավական համատեքստին և մեկնարկել է ՀՀ արդարադատության ակադեմիայի հետ համագործակցությամբ:

«Քրեական վարույթում դատավարական երաշխիքները և տուժողների իրավունքները» (մասնավորապես՝ խոցելի տուժողների, ինչպիսիք են երեխաները, սեռական բռնության կամ ահաբեկչության զոհերը) թեմայով HELP դասընթացը միավորում է քրեական դատավարություններում մեղադրյալ և կասկածյալ համարվող անձանց հիմնական դատավարական իրավունքներն ու հանցագործության զոհերի իրավունքները (շեշտը դնելով արդարադատության մատչելիության վրա): Դասընթացն անդրադառնում է նաև Եվրոպայի խորհրդի ու Եվրոպական միության իրավական հիմքերին:

HELP դասընթացի հայերեն տարբերակը հասանելի կդառնա HELP առցանց հարթակում:

Դասընթացը կազմակերպվել է «Աջակցություն քրեական արդարադատության բարեփոխումներին և եվրոպական չափանիշների կիրառման ներդաշնակեցումը Հայաստանում» ծրագրի շրջանակներում, որը ֆինանսավորվում է Եվրոպական միության ու Եվրոպայի խորհրդի կողմից և իրականացվում է Եվրոպայի խորհրդի կողմից՝ «Գործընկերություն հանուն լավ կառավարման» ծրագրի (2019-2021) ներքո:

Իմացիր ավելին

Մամուլի հաղորդագրություն



ԱՄԵՆԱԿԱՐԴԱՑԱԾ



Հետաքրքրվա՞ծ եք վերջին նորություններով ու հնարավորություններով

Այս կայքը կառավարվում է 2020-2024թթ. համար Եվրամիության կողմից ֆինանսավորվող Արևելյան հարևանության տարածաշրջանային հաղորդակցության ծրագրի («ԵՄ արևելյան հարևաններ») կողմից: Ծրագիրը լրացնում և աջակցում է գործընկեր երկրներում ԵՄ պատվիրակությունների հաղորդակցական գործունեությանն ու աշխատում է Եվրոպական հանձնաժողովի Հարևանության քաղաքականության և ընդլայնման բանակցությունների գլխավոր տնօրինության ու ԵՄ արտաքին գործողությունների ծառայության ղեկավարության ներքո: Ծրագիրն իրականացնում է GOPA PACE-ի գլխավորած կոնսորցիումը:


Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© European Union,