«Աշխատանք ստանում են նրանք, ովքեր ունեն ճիշտ հմտություններ». Եվրոպական կրթական հիմնադրամի ուսումնասիրությունը ներկայացնում է եվրոպական հարևանության տարածքում հմտությունների ու աշխատաշուկաների վիճակը
26 Փետրվարի, 2021

«Աշխատանք ստանում են նրանք, ովքեր ունեն ճիշտ հմտություններ». Եվրոպական կրթական հիմնադրամի ուսումնասիրությունը ներկայացնում է եվրոպական հարևանության տարածքում հմտությունների ու աշխատաշուկաների վիճակը


Ըստ Եվրոպական կրթական հիմնադրամի (ԵԿՀ) «Փոփոխվող հմտություններ՝ փոփոխվող աշխարհի համար» վերտառությամբ նոր ուսումնասիրության, որը հրապարակվել է փետրվարի 24-ին, ավտոմատացման և թվայնացման վտանգի տակ առավելապես արտադրության, շինարարության և գյուղատնտեսության ոլորտների աշխատատեղերն են։ Սույն զեկույցը, որը, կենտրոնանալով եվրոպական հարևանության վրա, իր տեսակի մեջ առաջինն է, ընդհանուր առանձնահատկությունները վերլուծում է մասնագիտական հմտությունների սկիզբ առնող կարիքների և անցումային ու զարգացող երկրներում ծավալվող աշխատաշուկայում աշխատանքի ապագայի տեսանկյունից:

Հարևան երկրներից, այդ թվում` Հայաստանից, Վրաստանից և Մոլդովայից ԵԿՀ հետազոտողներն ու փորձագետները նշում են, որ աշխատատեղերի բևեռացումը կրկնվող միտում է, որը մեծացնում է բարձր և ցածր հմտությամբ աշխատողների միջև անջրպետը: Համաշխարհային շուկայում մրցակցելու և առաջացող կարիքներին հարմարվելու համար այս երկրները պետք է ներդրումներ կատարեն թվային ենթակառուցվածքների և կրթական համակարգերի վերափոխման ուղղությամբ:

«Ավանդաբար, աշխատողները տեղափոխվում էին այնտեղ, որտեղ կարող էին գործատու գտնել: Գլոբալիզացիայի արդյունքում գործատուներն իրենց բիզնեսի որոշ մասը տեղափոխեցին այնտեղ, որտեղ կարող էին գտնել աշխատուժ: Այժմ ավելի ու ավելի շատ աշխատատեղեր են ստանում նրանք, ովքեր ունեն ճիշտ հմտություններ՝ անկախ իրենց գտնվելու վայրից: Հմտությունները դառնում են ապագա աշխատաշուկաների շարժիչ ուժը», — նշել է ԵԿՀ տնօրեն Չեզարե Օնեստինին:

Զեկույցի համաձայն՝ ԵՄ հարևանությունում աշխատողների 20 տոկոսը կատարում են այնպիսի աշխատանքներ, որոնց համար իրենք գերորակավորված են, թեև նրանց հմտությունները հաճախ չեն համապատասխանում գործատուների կարիքներին: Կառավարությունները և ընկերությունները պետք է աջակցեն իրենց աշխատակիցներին, որպեսզի վերջիններս որակավորումների բարձրացման և վերաորակավորման միջոցով հարմարվեն և սովորեն պատրաստ լինել փոփոխություններին։ Դա անհրաժեշտ է, որպեսզի երկրներում չլինեն երկու մակարդակներ, որոնցից մեկում աշխատողները պատրաստ են փոփոխություններին, իսկ մյուսում` ոչ: Ուսումնասիրությունն առաջարկներ է ներկայացնում այս անհամապատասխանությունը վերացնելու և հմտությունների տրամադրումը հարմարեցնելու վերաբերյալ. վերակազմավորել կրթական համակարգը, զարգացնել դպրոցից աշխատանքի անցնելու արդյունավետ ծառայություններ, զարգացնել ավելի նպատակային հմտություններ:

Եվրոպական կրթական հիմնադրամը ԵՄ գործակալություն է, որը ԵՄ հարևանության երկրներին աջակցում է իրենց կրթության, ուսուցման և աշխատաշուկայի համակարգերը բարեփոխելու հարցերում։

Իմացիր ավելին

Մամուլի հաղորդագրություն

Զեկույց Փոփոխվող հմտություններ՝ փոփոխվող աշխարհի համար

 



Հետաքրքրվա՞ծ եք վերջին նորություններով ու հնարավորություններով

Այս կայքը կառավարվում է 2020-2024թթ. համար Եվրամիության կողմից ֆինանսավորվող Արևելյան հարևանության տարածաշրջանային հաղորդակցության ծրագրի («ԵՄ արևելյան հարևաններ») կողմից: Ծրագիրը լրացնում և աջակցում է գործընկեր երկրներում ԵՄ պատվիրակությունների հաղորդակցական գործունեությանն ու աշխատում է Եվրոպական հանձնաժողովի Հարևանության քաղաքականության և ընդլայնման բանակցությունների գլխավոր տնօրինության ու ԵՄ արտաքին գործողությունների ծառայության ղեկավարության ներքո: Ծրագիրն իրականացնում է B&S Europe-ի գլխավորած կոնսորցիումը:


Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© European Union,