EU4Youth-ը՝ Հայաստանում. նորաձևության ստուդիայից մինչև դիմակների արտադրություն

EU4Youth-ը՝ Հայաստանում. նորաձևության ստուդիայից մինչև դիմակների արտադրություն

15 Հունիսի, 2020

Ամենը սկսվեց երազանքից, իսկ EU4Youth-ի օգնությամբ այդ երազանքն իրականություն դարձավ. այժմ Լուսինե Առաքելյանը մայրաքաղաք Երևանում գտնվող իր նոր նորաձևության ստուդիան վերապրոֆիլավորել է բժշկական անձնակազմի համար դիմակների և պաշտպանիչ հագուստի արտադրության:

Անցյալ տարի Լուսինեն մասնակցեց EU4Youth-ի կյանքի հմտությունների և ձեռնարկատիրության ուսուցման ծրագրին: Երկու երեխաների (13 տարեկան տղա և 8 տարեկան աղջիկ) 36-ամյա միայնակ մայրը միշտ երազել է իր կարի հոբբին վերածել բիզնեսի: Ահա թե ինչը նրան բերեց «EU4Youth՝ զբաղունակություն և կայունություն Հայաստանում, Բելառուսում և Ուկրաինայում» ծրագիր:

Լուսինեն, տարիներ շարունակ կատարելով տարաբնույթ աշխատանքներ, հիասթափված էր ու չէր կարողանում գտնել իր իրական կոչմանն արժանի գործի անցնելու ուղին: «Սա իմ հնարավորությունն էր. հիմա կամ երբեք»,- ասում է Լուսինեն:

  • 101684580 904749783325031 6093560558588526592 n
    Lusine Arakelyan
  • 101552402 904749999991676 8360819634609324032 n 1
    Face masks made by Lusine Arakelyan

Իր սեփական նորաձևության ստուդիան ունենալը մանկության երազանք էր: Նա շարունակում էր կարել, վաճառում էր որոշ ապրանքատեսակներ, բայց գաղափար չուներ, թե ինչպես զարգացնել իր բիզնեսը:

Լուսինեի մոտիվացվածությունը միանգամայն ակներև էր EU4Youth-ի ձեռնարկատիրական դասընթացների ընթացքում. դասընթացի մեկամսյա ժամանակահատվածում նա իր մենթորների աչքի առաջ աճեց` որպես բիզնեսի հնարավոր սեփականատեր:

Անշուշտ, նրա բիզնես պլանը լավագույնն էր՝ ստանալով դասընթացի շրջանակներում ամենաբարձր գնահատականները: Դա նրա բիզնեսին բերեց 4000 եվրո, որի միջոցով նա բարելավեց իր կարի արտադրամասը, գնեց անհրաժեշտ սարքավորումներ և ընդլայնեց ու խթանեց իր սեփական փոքր բիզնեսը սոցիալական ցանցերի միջոցով:

  • 101702886 904749909991685 5334836327844151296 n
    Lusine Arakelyan

Լուսինե Առաքելյանը հիմնադրեց «LucyART» հագուստի ձևավորման ստուդիան: Կարճ ժամանակում նա արդեն ուներ մեծ քանակությամբ պատվերներ՝ կարելով մանկական զգեստներ, վարագույրներ, անկողնային պարագաներ և այլն: Նա նաև ստացավ մի քանի կորպորատիվ պատվերներ, այդ թվում՝ հայտնի պարային համույթի (զգեստներ), չինական ռեստորանի (անհրաժեշտ պարագաներ) և մսամթերքի գործարանի աշխատակազմի (համազգեստ) համար:

COVID-19-ի բռնկմամբ պայմանավորված արտակարգ իրավիճակի ընթացքում Լուսինեն հարմարեցրեց և փոխեց առաջարկվող ծառայությունների շրջանակը: Քանի որ երեկոյան զգեստների կամ այլ հագուստի պահանջարկը շատ փոքր էր, Լուսինեն սկսեց բժշկական դիմակներ և պաշտպանիչ հագուստ արտադրել բժշկական անձնակազմի համար՝ նոր հորիզոններ բացելով իր բիզնեսի առջև:



Հետաքրքրվա՞ծ եք վերջին նորություններով ու հնարավորություններով

Այս կայքը կառավարվում է 2020-2024թթ. համար Եվրամիության կողմից ֆինանսավորվող Արևելյան հարևանության տարածաշրջանային հաղորդակցության ծրագրի («ԵՄ արևելյան հարևաններ») կողմից: Ծրագիրը լրացնում և աջակցում է գործընկեր երկրներում ԵՄ պատվիրակությունների հաղորդակցական գործունեությանն ու աշխատում է Եվրոպական հանձնաժողովի Հարևանության քաղաքականության և ընդլայնման բանակցությունների գլխավոր տնօրինության ու ԵՄ արտաքին գործողությունների ծառայության ղեկավարության ներքո: Ծրագիրն իրականացնում է B&S Europe-ի գլխավորած կոնսորցիումը:

Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© Եվրոպական միություն,