EU4Culture. Ուղեցույց «Աջակցություն Արևելյան գործընկերության տարածաշրջանի ոչ մայրաքաղաքային բնակավայրերին՝ մշակութային զարգացման ռազմավարության մշակման գործում» թեմայով դրամաշնորհային մրցույթի դիմորդների համար

Եվրոպական միության կողմից ֆինանսավորվող «EU4Culture» («ԵՄ-ն մշակույթի համար») ծրագիրը մեկնարկել է «Աջակցություն Արևելյան գործընկերության տարածաշրջանի ոչ մայրաքաղաքային բնակավայրերին՝ մշակութային զարգացման ռազմավարության մշակման գործում» թեմայով իր առաջին հայտամրցույթը և հրապարակել կից ուղեցույց՝ դրամաշնորհի դիմորդների համար:

Հայտամրցույթն ուղղված է աջակցելու Արևելյան գործընկերության հինգ երկրների՝ Հայաստանի, Ադրբեջանի, Վրաստանի, Մոլդովայի և Ուկրաինայի քաղաքներին՝ մշակութային զարգացման ռազմավարության մշակման և իրականացման գործում՝ հետևելով Եվրոպայի մշակութային մայրաքաղաքների մոտեցմանը:

Գործընթացի առաջին քայլը կլինի Արևելյան գործընկերության յուրաքանչյուր երկրից հինգ քաղաքների ընտրությունը, որոնք այնուհետև կպայքարեն իրենց մշակութային զարգացման ռազմավարության մշակմանն ուղղված ֆինանսական աջակցության համար:

Հայեցակարգային փաստաթղթերի ներկայացման վերջնաժամկետը հունիսի 30-ն է:

Նոր «ԵՄ–ն մշակույթի համար» ծրագիրն ուղղված է Արևելյան գործընկերության երկրների մշակութային և ստեղծարար հատվածին՝ նպատակ ունենալով աջակցել մշակույթի՝ որպես տարածաշրջանի աճի և սոցիալական զարգացման շարժիչ ուժի բարգավաճմանը:

Հայտամրցույթի բոլոր մանրամասները