Շառլ Միշելը կոչ է անում ստեղծել աշխարհաքաղաքական եվրոպական համայնք

Շառլ Միշելը կոչ է անում ստեղծել աշխարհաքաղաքական եվրոպական համայնք

20 Մայիսի, 2022

Եվրոպական խորհրդի նախագահ Շառլ Միշելը կոչ է արել ստեղծել եվրոպական աշխարհաքաղաքական համայնք, որը կներառի Արևելյան գործընկերությունը և Արևմտյան Բալկանները:

Նախագահ Միշելն այս առաջարկն արել է մայիսի 18-ին՝ Եվրոպական տնտեսական և սոցիալական կոմիտեում ելույթի ժամանակ։

Ըստ Միշելի՝ «նպատակն է սերտացնել և խորացնել գործառնական համագործակցությունը՝ մեր մայրցամաքում ընդհանուր մարտահրավերներին արձագանքելու և խաղաղության, կայունության ու անվտանգության պահպանման համար»:

ԵԽ նախագահն ասել է, որ գործընթացին պետք է զարկ տալ անմիջապես՝ առանց լրացուցիչ խորհրդածությունների. «Իրականում, իմ կարծիքով, արդեն գոյություն ունի դե ֆակտո աշխարհաքաղաքական համայնք, որը ձգվում է Ռեյկյավիկից մինչև Բաքու կամ Երևան, Օսլոյից մինչև Անկարա։ Եվ ես համոզված եմ, որ այս աշխարհագրական տարածքին պետք է տալ քաղաքական չափում»։

Նախագահ Միշելը նշել է, որ արտաքին քաղաքականությունը պետք է լինի այս համայնքում համագործակցության հիմնական ոլորտը, և հավելել, որ շեշտը կարող է դրվել սոցիալ-տնտեսական ծրագրերի հետ ասոցացման վրա, որոնք կանոնակարգման պարտադիր համապատասխանեցում չեն պահանջում, բայց որոնք կարող են բերել կոնկրետ փոխադարձ օգուտներ. «Ակնհայտ է, որ այնպիսի ծրագրերը, ինչպիսիք են Էրազմուսը, Հորիզոնը, տրանսպորտի և էներգետիկայի ոլորտները, կարող են օգտակար լինել նման համագործակցության և նախագծի համար»:

Միշելը նաև հայտնել է, որ այս հարցի շուրջ խորհրդակցել է եվրոպացի 27 առաջնորդների հետ և որոշել այն մտցնել Եվրոպական խորհրդի հունիսյան օրակարգ։ Նա նաև կառաջարկի համաժողով անցկացնել ամռանը կամ դրանից հետո, որը կմիավորի ԵՄ առաջնորդներին և շահագրգիռ գործընկեր երկրների ղեկավարներին՝ կոնկրետ տարբերակներ քննարկելու նպատակով։

Միշելն ընդգծել է, որ եվրոպական աշխարհաքաղաքական համայնքի ստեղծումը չի կարող փոխարինել ԵՄ ընդլայնման գործընթացին, որը պետք է դառնա ավելի արագ, դինամիկ և շրջելի՝ բարեփոխումները խրախուսելու և եվրոպական ինտեգրացիան առաջ մղելու համար։

«Մենք պետք է հստակ հասկանանք. այսօր այս գործընթացը զրոյական խաղ է։ Այն մի փոքր նման է «ամեն ինչ կամ ոչինչ» իրավիճակին: Այն երկու կողմում էլ ցրում է պատրանքները և մեծ ֆրուստրացիա ու հիասթափություն է առաջացնում, որոնք միշտ էլ վատ բաղադրիչներ են, երբ ցանկանում ես վստահություն ստեղծել»,- նշել է Միշելը: Լուծումն, ըստ նրա, կարող է լինել անդամակցության գործընթացում աստիճանական և առաջադեմ ինտեգրման մեջ. «Ավելին՝ ավելիի դիմաց»:

Իմացիր ավելին

Մամուլի հաղորդագրություն




Հետաքրքրվա՞ծ եք վերջին նորություններով ու հնարավորություններով

Այս կայքը կառավարվում է 2020-2024թթ. համար Եվրամիության կողմից ֆինանսավորվող Արևելյան հարևանության տարածաշրջանային հաղորդակցության ծրագրի («ԵՄ արևելյան հարևաններ») կողմից: Ծրագիրը լրացնում և աջակցում է գործընկեր երկրներում ԵՄ պատվիրակությունների հաղորդակցական գործունեությանն ու աշխատում է Եվրոպական հանձնաժողովի Հարևանության քաղաքականության և ընդլայնման բանակցությունների գլխավոր տնօրինության ու ԵՄ արտաքին գործողությունների ծառայության ղեկավարության ներքո: Ծրագիրն իրականացնում է B&S Europe-ի գլխավորած կոնսորցիումը:

Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© Եվրոպական միություն,